وزیراعظم شہبازشریف کی مدینہ منورہ میں روضۂ رسول ﷺ پرحاضری، ملک و قوم کی ترقی کیلئے دعا

وزیر اعظم محمد شہباز شریف مدینہ منورہ پہنچ گئے، جہاں انہوں نے وفد کے ہمراہ مسجدِ نبوی ﷺ میں حاضری دی۔

تفصیلات کے مطابق وزیرِ اعظم نے ریاض الجنہ میں نوافل ادا کیے اور ملک و قوم کی ترقی و خوش حالی کے لیے دعا کی۔

وزیرِ اعظم نے روضہ رسول صلی اللہ علیہ وسلم پر حاضری بھی دی جہاں انہیں زیارت خاص کی سعادت حاصل ہوئے۔

مدینہ منورہ: 8 اگست 2026.

وزیر اعظم محمد شہباز شریف مدینہ منورہ پہنچ گئے جہاں انہوں نے پاکستانی وفد کے ہمراہ مسجد نبوی میں حاضری دی.

وزیرِ اعظم نے ریاض الجنہ میں نوافل ادا کئے اور ملک و قوم کی ترقی و خوشحالی کیلئے دعا کی.

وزیرِ اعظم نے روضہ رسول صلی اللہ علیہ وسلم پر حاضری… pic.twitter.com/FEzIPWGdMf

— Prime Minister’s Office (@PakPMO) August 8, 2026

نائب وزیرِ اعظم و وزیر خارجہ سینیٹر محمد اسحاق ڈار، وفاقی وزیر دفاع خواجہ محمد آصف، وزیرِ اطلاعات و نشریات عطاء اللہ تارڑ اور معاون خصوصی طارق فاطمی بھی وزیرِ اعظم کے ہمراہ تھے.

قبل ازیں وزیراعظم محمد شہباز شریف، نائب وزیراعظم و وزیر خارجہ سینیٹر محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر اور اعلیٰ سطحی پاکستانی وفد نے مکہ مکرمہ میں عمرہ بھی ادا کیا۔

یہ بھی پڑھیں :نائب وزیراعظم اسحاق ڈار کی مسجد نبوی ﷺ میں حاضری، پاکستان و امتِ مسلمہ کیلئے خصوصی دعائیں

عمرہ کی ادائیگی سے قبل وزیراعظم، فیلڈ مارشل عاصم منیر اور وفد کے دیگر ارکان کو کعبہ شریف کی زیارت خاص کی سعادت بھی حاصل ہوئی جہاں انہوں نے عبادت کی اور روحانی لمحات گزارے۔

یہ دورہ پاکستان اور سعودی عرب کے قریبی برادرانہ تعلقات کے تناظر میں بھی اہم قرار دیا جا رہا ہے، جہاں اعلیٰ سطحی قیادت مذہبی فریضے کی ادائیگی کے ساتھ ساتھ خیر و برکت اور امن کے لیے دعا گو رہی۔