By وفاقی حکومت نے وفاقی دارالحکومت اسلام آباد میں سکیورٹی انتظامات مزید سخت کرنے کے لیے صوبوں سے اضافی پولیس نفری طلب کر لی ہے۔ اس سلسلے میں پنجاب، سندھ اور بلوچستان کی حکومتوں سے مجموعی طور پر 23 ہزار 500 پولیس اہلکار مانگے گئے ہیں۔
صوبائی حکومتوں کو خط ارسال
وفاقی حکومت کی جانب سے کابینہ سیکرٹری نے پنجاب، سندھ اور بلوچستان کی صوبائی حکومتوں کو خط لکھا ہے جس میں اسلام آباد کی سکیورٹی کے لیے پولیس اہلکار فراہم کرنے کی درخواست کی گئی ہے۔
کابینہ ڈویژن نے پولیس اہلکاروں کی دستیابی اور تعیناتی کے حوالے سے باقاعدہ نوٹیفکیشن بھی جاری کر دیا ہے۔ نوٹیفکیشن میں تینوں صوبوں کے لیے پولیس نفری کا کوٹہ مقرر کیا گیا ہے۔
پنجاب سے 15 ہزار اہلکار
کابینہ ڈویژن کے نوٹیفکیشن کے مطابق پنجاب سے سب سے زیادہ پولیس اہلکار اسلام آباد بھیجے جائیں گے۔ پنجاب حکومت کو 15 ہزار اہلکار فراہم کرنے کی ہدایت کی گئی ہے۔
یہ بھی پڑھیں :امن و امان کی صورتحال برقرار رکھنے کیلئے پنجاب میں 17 ستمبر تک دفعہ 144 نافذ
یہ اہلکار وفاقی دارالحکومت میں سکیورٹی کے مختلف فرائض انجام دیں گے اور اسلام آباد پولیس کے ساتھ مل کر امن و امان برقرار رکھنے میں معاونت کریں گے۔
سندھ سے 8 ہزار اہلکار طلب
سندھ حکومت سے 8 ہزار پولیس اہلکار اسلام آباد بھجوانے کا کہا گیا ہے۔ وفاقی حکومت کی جانب سے صوبوں سے طلب کی گئی نفری میں سندھ کا حصہ بھی نمایاں ہے۔
بلوچستان سے 500 اہلکار
بلوچستان سے 500 پولیس اہلکار طلب کیے گئے ہیں۔ یوں تینوں صوبوں سے طلب کی گئی مجموعی پولیس نفری 23 ہزار 500 اہلکار بنتی ہے۔
20 ستمبر تک تعیناتی
نوٹیفکیشن میں تینوں صوبائی حکومتوں کو ہدایت کی گئی ہے کہ وہ اپنے پولیس اہلکار 20 ستمبر تک اسلام آباد میں تعینات کریں۔
یہ بھی پڑھیں :اسلام آباد میں بڑی بیٹھک کی بڑی تیاری، فول پروف سکیورٹی کیلئے پولیس، فوج، رینجرز تعینات
