نادرا کا بیرون ملک مقیم پاکستانیوں کے لیے اہم انتباہ

 قومی شناختی دستاویزات سے متعلق خدمات فراہم کرنے والے ادارے نادرا نے شہریوں کو غیر مجاز ویب سائٹس سے محتاط رہنے کی ہدایت کردی ہے۔

نادرا نے بالخصوص بیرون ملک مقیم پاکستانیوں کو خبردار کیا ہے کہ ادارے کے نام سے خدمات فراہم کرنے کا دعویٰ کرنے والے مشتبہ ذرائع سے دور رہیں۔

حساس معلومات شیئر نہ کرنے کی ہدایت

نادرا کے مطابق شہری ایسی ویب سائٹس پر اپنی ذاتی معلومات ہرگز درج نہ کریں۔ پاسپورٹ کی تفصیلات اور انگلیوں کے نشانات بھی شیئر کرنے سے گریز کیا جائے۔

 یہ بھی پڑھیں :خواتین کے لیے بڑی خوشخبری، نادرا کا بھرتیوں کا اعلان ، تعلیمی قابلیت انٹرمیڈیٹ

ادارے نے ادائیگی سے متعلق معلومات کے تحفظ پر بھی زور دیا ہے۔ شہری کسی بھی غیر مجاز ذریعے کو اپنی مالی یا شناختی معلومات فراہم نہ کریں۔

بیرون ملک پاکستانیوں کے لیے خصوصی پیغام

 اوورسیز پاکستانی شناختی خدمات کے لیے مختلف برقی ذرائع استعمال کرتے ہیں۔ نادرا نے ویب سائٹ کی تصدیق کے بغیر معلومات فراہم نہ کرنے کا مشورہ دیا ہے۔

ادارے کے مطابق نادرا کے نام کا غلط استعمال کرکے بعض غیر مجاز ذرائع شہریوں سے حساس معلومات حاصل کرنے کی کوشش کرسکتے ہیں۔

معلومات دینے والوں کے لیے اہم ہدایت

اگر کسی شہری نے پہلے ہی ایسی ویب سائٹ پر اپنی معلومات فراہم کردی ہیں تو اسے فوری طور پر متعلقہ اداروں کو اطلاع دینی چاہیے۔

نادرا نے متاثرہ شہریوں کو اپنے مقامی سائبر جرائم کے اداروں اور صارفین کے تحفظ سے متعلق اداروں سے رابطہ کرنے کا مشورہ دیا ہے۔

 یہ بھی پڑھیں :فوت شدہ افراد کا شناختی کارڈ بغیر فیس کیسے منسوخ کروائیں؟ نادرا نے طریقہ بتا دیا

شہری نادرا میں بھی اپنی شکایت درج کرا سکتے ہیں۔ ادارے نے عوام سے اپیل کی ہے کہ شناختی معلومات کے تحفظ کے لیے احتیاطی تدابیر اختیار کریں۔

نادرا کی جانب سے جاری کردہ یہ ہدایت ایسے غیر مجاز ذرائع سے شہریوں کو محفوظ رکھنے کے لیے دی گئی ہے جو ادارے کا نام استعمال کررہے ہیں۔