دہشت گردی کے خلاف قوم سکیورٹی فورسز کے ساتھ کھڑی ہے، حنیف عباسی

 وفاقی وزیر ریلوے محمد حنیف عباسی نے کوہاٹ پولیس لائنز کی مسجد میں ہونے والے دھماکے کی شدید الفاظ میں مذمت کرتے ہوئے جانی نقصان پر افسوس کا اظہار کیا ہے۔

حنیف عباسی نے اپنے بیان میں کہا کہ مسجد جیسے مقدس مقام پر نماز ادا کرنے والے افراد کو نشانہ بنانا انتہائی سفاکانہ اور انسانیت سوز فعل ہے۔

وفاقی وزیر نے کہا کہ معصوم شہریوں کی جانوں سے کھیلنے والے دہشت گرد کسی رعایت کے مستحق نہیں ہیں۔

انہوں نے کہا کہ دہشت گردی کے ذریعے پاکستان کے امن کو نقصان پہنچانے کی کوشش کرنے والے عناصر اپنے مقاصد میں کامیاب نہیں ہوں گے۔

 حنیف عباسی :پاکستان ریلویز نے تاریخ کی بلند ترین سالانہ آمدن حاصل کر لی، حنیف عباسی

محمد حنیف عباسی نے کہا کہ دہشت گردی کے خلاف جنگ میں پوری قوم اپنی سکیورٹی فورسز کے ساتھ کھڑی ہے۔

 ملک میں امن و امان کے قیام کے لیے سکیورٹی فورسز کے اہلکاروں کی قربانیاں ناقابل فراموش ہیں۔

وفاقی وزیر نے کہا کہ دہشت گردی کے خلاف کارروائیوں میں جانوں کا نذرانہ پیش کرنے والے شہداء کی قربانیاں قوم کے لیے ہمیشہ یادگار رہیں گی۔

انہوں نے مزید کہا کہ شہداء کا لہو دہشت گردی کے مکمل خاتمے کے لیے قومی عزم کو مزید مضبوط کرتا ہے۔

حنیف عباسی نے دھماکے میں جاں بحق ہونے والے افراد کے اہل خانہ سے دلی تعزیت اور ہمدردی کا اظہار کیا۔

انہوں نے کہا کہ دکھ اور غم کی اس گھڑی میں پوری قوم متاثرہ خاندانوں کے ساتھ کھڑی ہے۔

وفاقی وزیر نے شہداء کے درجات کی بلندی اور لواحقین کے لیے صبر جمیل کی دعا بھی کی۔

انہوں نے زخمی ہونے والے افراد کی جلد اور مکمل صحت یابی کے لیے بھی دعا کی۔

خیبر پختونخوا میں اے سی اور ڈی سی پیسے لے کر تعینات کیے جاتے ہیں، وفاقی وزیر حنیف عباسی کا دعویٰ

محمد حنیف عباسی نے کہا کہ دہشت گردی کے واقعات قوم کے عزم کو کمزور نہیں کرسکتے۔

انہوں نے کہا کہ پاکستان کے عوام امن کے قیام اور دہشت گردی کے خاتمے کے لیے سکیورٹی اداروں کے ساتھ متحد ہیں۔

انہوں نے کہا کہ دہشت گرد عناصر ملک میں خوف و ہراس پھیلانے کی کوشش کر رہے ہیں، تاہم ایسی کارروائیوں کے خلاف قومی عزم برقرار رہے گا۔

وفاقی وزیر نے متاثرہ خاندانوں کے ساتھ یکجہتی کا اظہار کرتے ہوئے کہا کہ پوری قوم ان کے دکھ میں برابر کی شریک ہے۔