الاحساء میں ٹریفک حادثہ، ایک ہی خاندان کے 7 افراد سمیت 9 جاں بحق

سعودی عرب کے مشرقی علاقے الاحساء میں پیش آنے والے ایک المناک ٹریفک حادثے کے نتیجے میں ایک ہی خاندان کے 7 افراد سمیت مجموعی طور پر 9 افراد جاں بحق ہوگئے۔ 

حادثے کی اطلاع سامنے آنے کے بعد علاقے میں غم کی فضا پیدا ہوگئی، جبکہ واقعے نے ٹریفک قوانین اور سڑکوں پر احتیاطی تدابیر کی اہمیت کو ایک بار پھر اجاگر کردیا۔

سعودی میڈیا کے مطابق حادثہ اس وقت پیش آیا جب دو گاڑیاں آپس میں ٹکرا گئیں۔ حادثے کے نتیجے میں ایک گاڑی میں سوار ایک ہی خاندان کے 7 افراد جان کی بازی ہار گئے۔

 یہ بھی پڑھیں :سعودی عرب : بھارتی عمرہ زائرین کی بس کو حادثہ، 42 افراد جاں بحق

جاں بحق ہونے والوں میں میاں بیوی، ان کے 3 بیٹے اور 2 بیٹیاں شامل ہیں۔

رپورٹ کے مطابق دوسری گاڑی میں سوار 2 نوجوان بھی حادثے میں جاں بحق ہوئے، جس کے بعد حادثے میں مجموعی طور پر جاں بحق افراد کی تعداد 9 ہوگئی۔

 واقعے کی اطلاع ملتے ہی متعلقہ امدادی ادارے اور پولیس موقع پر پہنچے اور ضروری کارروائی شروع کی۔

 یہ بھی پڑھیں :جدہ :عمرہ زائرین کی بس کو حادثہ، 3خواتین سمیت 5پاکستانی شہری جاں بحق،متعدد زخمی

سعودی پولیس کے ابتدائی بیان کے مطابق حادثہ ایک گاڑی کے اچانک رخ موڑنے کے باعث پیش آیا۔

پولیس کی جانب سے واقعے کی وجوہات اور حادثے کے حالات کا جائزہ لیا جا رہا ہے تاکہ اس المناک واقعے کی مکمل تفصیلات سامنے آسکیں۔