مارچ 10 اکتوبر تک ملتوی کیا جائے ، پی ٹی آئی کے اکثریتی ارکان کی تجویز، ذرائع

  پاکستان تحریک انصاف (پی ٹی آئی) کے اکثریتی ارکان نے  لانگ مارچ کو مؤخر کرکے نئی تاریخ مقرر کرنے کی تجویز دے دی ہے۔

پی ٹی آئی ذرائع نے آزاد ڈیجیٹل کو بتایا ہے کہ پارٹی کے اندر لانگ مارچ کی تاریخ کے حوالے سے مشاورت جاری ہے ۔ بعض ارکان نے 4 اکتوبر جبکہ زیادہ تر اراکین نے 10 اکتوبر کو لانگ مارچ کرنے کی تجویز دی ہے۔

 یہ بھی پڑھیں :لانگ مارچ مؤخر کیے جانے تک پی ٹی آئی سے مذاکرات نہیں ہوسکتے، رانا ثنااللہ نے واضح کردیا

ذرائع کے مطابق پارٹی کے متعدد ارکان کی رائے ہے کہ لانگ مارچ کے لیے مزید تیاری اور کارکنوں کو متحرک کرنے کے لیے اضافی وقت درکار ہے جس کے باعث موجودہ تاریخ پر نظرثانی کی تجویز سامنے آئی ہے۔

ذرائع کا کہنا ہے کہ مشاورت کے دوران ارکان نے مختلف تجاویز پیش کیں  تاہم اکثریتی ارکان لانگ مارچ کو مؤخر کرکے نئی تاریخ مقرر کرنے کے حق میں ہیں۔

 یہ بھی پڑھیں :تحریک انصاف کا مارچ نہیں ہوگا،پی ٹی آئی والے فیس سیونگ کیلئے منتیں کررہے ہیں، شیر افضل مروت

ذرائع کے مطابق حتمی فیصلہ پارٹی کی قیادت باہمی مشاورت کے بعد کرے گی  جس کے بعد لانگ مارچ کی تاریخ اور آئندہ کے لائحہ عمل کا باضابطہ اعلان کیا جائے گا۔

پارٹی ذرائع نے بتایا کہ قیادت کی جانب سے ارکان کی تجاویز اور موجودہ سیاسی صورتحال کو سامنے رکھتے ہوئے حتمی حکمت عملی طے کی جا رہی ہے۔

واضح رہے کہ لانگ مارچ کی حتمی تاریخ کے حوالے سے پی ٹی آئی کی جانب سے باضابطہ اعلان تاحال سامنے نہیں آیا۔