By ایشین گیمز 2026 کے کرکٹ مقابلوں میں پاکستان اور ہانگ کانگ کے درمیان شیڈول پہلا کوارٹر فائنل بارش کی نذر ہوگیا میچ منسوخ ہونے کے بعد پاکستان نے بہتر رینکنگ کی بنیاد پر سیمی فائنل میں جگہ بنا لی۔
میچ شروع نہ ہوسکا
جاپان کے شہر نیشّن میں واقع کوروجی اسپورٹس پارک میں پاکستان اور ہانگ کانگ کے درمیان کوارٹر فائنل کھیلا جانا تھا تاہم مسلسل بارش کے باعث میچ شروع نہ ہوسکا۔
بارش کی شدت اور میدان کی صورتحال کے پیش نظر میچ کا ٹاس بھی ممکن نہیں ہوسکا۔ منتظمین کی جانب سے موسم اور گراؤنڈ کی صورتحال کا جائزہ لیا گیا تاہم کھیل کے لیے حالات سازگار نہ ہونے کے باعث میچ منسوخ کرنے کا فیصلہ کیا گیا۔
پاکستان سیمی فائنل میں
میچ منسوخ ہونے کے نتیجے میں پاکستان کو اپنی بہتر رینکنگ کا فائدہ حاصل ہوا اور قومی ٹیم ایشین گیمز کے سیمی فائنل میں پہنچ گئی۔
یہ بھی پڑھیں :پاکستانیوں کیلئے خوشخبری، ایشین گیمز میں پہلا میڈل مل گیا
کوارٹر فائنل میں کھیل نہ ہونے کے باوجود پاکستان کی ایشین گیمز کرکٹ مہم جاری رہے گی اور قومی ٹیم اب ٹورنامنٹ کے آخری چار مرحلے میں ایکشن میں دکھائی دے گی۔
اہم مرحلے میں رسائی
پاکستان کے لیے میچ کا منسوخ ہونا اس لحاظ سے اہم رہا کہ قومی ٹیم بہتر رینکنگ کے باعث اگلے مرحلے میں پہنچنے میں کامیاب ہوگئی۔ ایشین گیمز کے ناک آؤٹ مرحلے میں ہر میچ اہمیت رکھتا ہے اور بارش کے باعث کوارٹر فائنل مکمل نہ ہونے سے پاکستان کو رینکنگ کی بنیاد پر سیمی فائنل کا ٹکٹ مل گیا۔
اب قومی ٹیم کی توجہ سیمی فائنل پر مرکوز ہوگی جہاں پاکستان ایشین گیمز میں اپنی کرکٹ مہم کو مزید آگے بڑھانے کی کوشش کرے گا۔
شائقین کی نظریں سیمی فائنل پر
پاکستان اور ہانگ کانگ کا کوارٹر فائنل منسوخ ہونے کے بعد پاکستانی شائقین کی نظریں اب سیمی فائنل پر ہیں۔
یہ بھی پڑھیں :گرین شرٹس کا جارحانہ کھیل، ایشین گیمز کے پہلے میچ میں بڑی کامیابی
