ورلڈ کپ کہاں اور کب ہوگا؟شیڈول تیار،شائقین کرکٹ کے لیے بڑی خوشخبری

آئی سی سی ون ڈے ورلڈ کپ 2027 کے آغاز میں ابھی ایک سال باقی ہے لیکن میگا ایونٹ کی تیاریاں اب اہم مرحلے میں داخل ہوگئی ہیں۔ عالمی کپ کے مکمل شیڈول اور میچوں کی ٹکٹوں سے متعلق تفصیلات یکم اکتوبر کو سامنے آنے کا امکان ہے۔

کرکٹ ویب سائٹ کے مطابق انٹرنیشنل کرکٹ کونسل یکم اکتوبر کو جنوبی افریقہ کے شہر کیپ ٹاؤن میں ایک تقریب منعقد کرے گی جس میں ورلڈ کپ 2027 کے شیڈول کا اعلان متوقع ہے۔ یہ تقریب ٹورنامنٹ کے آغاز سے ایک سال قبل ہونے والی الٹی گنتی کے سلسلے کا حصہ ہوگی۔

ورلڈ کپ کا نقشہ سامنے آئے گا

شیڈول کے اعلان کے بعد شائقین کو یہ معلوم ہوسکے گا کہ عالمی کپ کے دوران مختلف ٹیمیں کب اور کہاں ایک دوسرے کے مدمقابل ہوں گی۔ اس کے ساتھ ٹورنامنٹ کے میچوں سے متعلق ٹکٹوں کی تفصیلات بھی جاری کیے جانے کا امکان ہے۔

 یہ بھی پڑھیں :2028 ورلڈ کپ کی تیاری، پاکستان نے ٹی ٹوئنٹی پلان تیار کرلیا

شیڈول کا اعلان شائقین کیلئے اس اعتبار سے بھی اہم ہوگا کہ اس کے بعد عالمی کپ کے میچوں کی منصوبہ بندی اور ٹکٹوں کے حصول کیلئے باقاعدہ تیاری شروع کی جاسکے گی۔

تین ممالک میزبانی کریں گے

ون ڈے ورلڈ کپ 2027 کی میزبانی جنوبی افریقہ کے ساتھ زمبابوے اور نمیبیا کریں گے۔ تینوں ممالک میں ہونے والا یہ عالمی کرکٹ ایونٹ آئندہ سال شیڈول ہے۔

کیپ ٹاؤن میں ہونے والی تقریب کے ذریعے ٹورنامنٹ کے شیڈول کو ایک سال قبل سامنے لانے کا مرحلہ مکمل ہونے کی توقع ہے۔ اس اعلان کے بعد عالمی کپ کی تیاریوں میں مزید تیزی آنے کا امکان ہے۔

ٹکٹوں کی تفصیلات بھی متوقع

شیڈول کے ساتھ میچوں کے ٹکٹوں سے متعلق معلومات بھی جاری کیے جانے کا امکان ہے۔ اس طرح شائقین کو نہ صرف میچوں کی تاریخوں اور مقامات کا علم ہوگا بلکہ ٹکٹوں کے حوالے سے بھی ابتدائی معلومات دستیاب ہوسکیں گی۔

 یہ بھی پڑھیںں :ورلڈ کپ مشن 2027 کی تیاری، پی سی بی کا قومی کرکٹرز سے متعلق بڑا ایکشن

آئی سی سی ون ڈے ورلڈ کپ 2027 کے شیڈول کا اعلان اس لیے بھی توجہ کا مرکز ہے کہ عالمی ایونٹ میں دنیا کی بڑی کرکٹ ٹیمیں شریک ہوں گی اور شائقین پہلے ہی ٹورنامنٹ کے میچوں کی تفصیلات کے منتظر ہیں۔