کارروائی ہر قیمت پر ہوگی، سہیل آفریدی رکاوٹ بنے تو دور کر دیا جائے گا، راناثناء اللہ

 وزیراعظم کے مشیر برائے سیاسی امور رانا ثناء اللہ نے وزیراعلیٰ خیبرپختونخوا سہیل آفریدی کی قیادت میں پی ٹی آئی کے لانگ مارچ پر سخت ردعمل دیتے ہوئے کہا ہے کہ کارروائی ہر قیمت پر ہونی ہے  اگر سہیل آفریدی رکاوٹ بنیں گے تو اس رکاوٹ کو دور کر دیا جائے گا۔

 یہ بھی پڑھیں :پی ٹی آئی کسی راستے پر چلنا ہی نہیں چاہتی،انارکی اور تصادم پر تلی ہوئی ہے، رانا ثناء اللہ

رانا ثناء اللہ نے کہا کہ ایک بات روزِ روشن کی طرح عیاں ہو گئی ہے کہ فتنۃ الخوارج اور ٹی ٹی پی کا فتنہ بعض عناصر کو سپورٹ کر رہا ہے اور ان کے ساتھ ہمدردی رکھتے ہیں۔

 نجی ٹی وی کے پروگرام میں گفتگو کرتے ہوئے   انہوں نے  کہا کہ لکی مروت جیسے علاقے میں سکیورٹی صورتحال کے باعث عام طور پر دس افراد بھی خوف کے باعث اکٹھے نہیں ہوتے کہ کہیں خودکش حملہ نہ ہو جائے لیکن وہاں ہزاروں افراد کا جمع ہونا کئی سوالات کو جنم دیتا ہے۔

 یہ بھی پڑھیں :بانی پی ٹی آئی عمران خان 9 مئی پر صد ق دل سے معافی مانگ لیں تو رہائی ممکن ہوسکتی ہے، رانا ثناءاللہ

رانا ثناء اللہ نے کہا کہ حکومت دہشت گردی کے خلاف کارروائی جاری رکھے گی اور کسی کو بھی ریاستی کارروائی کی راہ میں رکاوٹ نہیں بننے دیا جائے گا۔