ایف بی آر کا جائیداد کی خریداری سے متعلق پابندیاں نرم کرنے سے انکار

فیڈرل بورڈ آف ریونیو (ایف بی آر) نے ایسوسی ایشن آف بلڈرز اینڈ ڈیولپرز (آباد) کی جانب سے جائیداد کی خریداری پر پابندیاں کم کرنے کی تجاویز کو مسترد کر دیا ہے

تفصیلات کے مطابق قومی اسمبلی کی قائمہ کمیٹی برائے خزانہ کا اجلاس حکمراں جماعت پاکستان مسلم لیگ نواز (پی ایم ایل-این) کے رکن بلال اظہر کیانی کی زیر صدارت ہوا اوراجلاس کے دوران ایف بی آر حکام نے تصدیق کی کہ 10 ملین روپے سے زیادہ کی جائیداد کی خریداری پر پوچھ گچھ کی شرط کو معاف نہیں کیا جا سکتا۔

ایف بی آر حکام کا کہنا ہے کہ ٹیکس فائلرز کو اب بھی اپنی آمدنی کے ذرائع کو نظرثانی شدہ ویلتھ سٹیٹمنٹ کے ذریعے ظاہر کرنے کی ضرورت ہوگی، اور ٹیکس کے مقاصد کے لیے جائیداد کی تشخیص میں تبدیلیاں – جیسے سونے، اسٹاک، بانڈز، یا وراثت میں ملنے والی جائیدادوں پر غور کرنے کی اجازت نہیں ہےاور یہ تحقیق موجودہ قوانین کے تحت جائز ہے۔

اجلاس میں آباد نے تجویز پیش کی کہ 25 ملین روپے تک کی جائیدادوں اور 50 ملین روپے تک کے پہلے گھر کی کوئی انکوائری نہیں ہونی چاہیے۔

انہوں نے خدشہ ظاہر کیا کہ ایف بی آر کے نئے ضوابط پاکستان سے سرمایہ کاری کی حوصلہ شکنی کا سبب بن سکتے ہیں ۔ تاہم، ایف بی آر حکام نے جواب دیا کہ جب پراپرٹی خریدی جائے گی تو جائیداد کی خریداری کو NTN (نیشنل ٹیکس نمبر) کے تحت ریکارڈ کیا جائے گا، اور رجسٹرار اس بات کو یقینی بنائے گا کہ نئی پراپرٹی سسٹم میں داخل ہو۔ اس کے بعد خریدار اپنے اکاؤنٹس کے ذریعے پراپرٹی کے اندراج کی منظوری دیں گے۔

اس حوالے سے چہئرمین قائمہ کمیٹی نے تجویز پیش کی کہ جائیداد کی خریداری کے عمل کو آسان بنانے کی کوشش کی جانی چاہیے۔ انہوں نے ٹیکس قوانین میں میاں بیوی، بچوں اور زیر کفالت افراد کو شامل کرنے، نقدی اور نقدی کے مساوی ہونے کی اہلیت کو واضح کرنے اور دولت کے گوشوارے میں نظرثانی کی اجازت دینے کے لیے ٹیکس قوانین میں ترمیم کی تجویز پیش کی۔

ذیلی کمیٹی نے یہ بھی سفارش کی کہ چیئرمین ایف بی آر ٹیکس ترمیمی سفارشات کا نظرثانی شدہ مسودہ مزید جائزہ کےاس لیے پیش کریں۔