وزیراعلیٰ پنجاب کا چاند رات اور عید الفطر پر فول پروف سیکیورٹی انتظامات کا حکم

وزیراعلیٰ پنجاب مریم نواز نے چاند رات اور عید الفطر پر فول پروف سیکیورٹی انتظامات کا حکم دے دیا۔

مریم نواز نے بازاروں میں ویمن پولیس اسکواڈ کا گشت بڑھانے کی ہدایت کرتے ہوئے کہا ہے کہ خواتین اور بچوں کا تحفظ ہر صورت یقینی بنایا جائے۔

وزیراعلیٰ مریم نواز کی ہدایت پر لاہور کے 65 تجارتی مراکز پر اضافی نفری تعینات ہوگی، بازاروں میں نگرانی کے لیے ڈرون کیمروں اور نائٹ وژن دوربین کا استعمال کیا جائے گا۔

یہ بھی پڑھیں : پشاور اور لاہور میں عید سے قبل مرغی کی قیمت میں بڑا اضافہ

اعلامیے کے مطابق لاہور میں چاند رات میں سڑکوں پر ون ویلنگ روکنے لے لیے 55 مقامات پر ناکہ بندی کی جائے گی، شہر بھر میں اے ٹی ایم اور بینکوں کے اطراف میں 225 مقامات پر پولیس اہلکار تعینات ہوں گے۔