یومِ آزادی کی مناسبت سے ’آئی ایس پی آر‘ کا نیا ملی نغمہ ’دل سے پاکستان‘ جاری

یومِ آزادی 2025 کے پرمسرت موقع پر پاک فوج کے شعبہ تعلقاتِ عامہ (آئی ایس پی آر) نے نیا ملی نغمہ ’دل سے پاکستان‘ جاری کر دیا ہے، جو قومی جوش و جذبے، شہدا کی قربانیوں اور مادرِ وطن سے لازوال محبت کا عکاس ہے۔

یہ بھی پڑھیں:’’ہے خون میں شامل ملک سے وفا‘‘ معرکۂ حق میں عظیم فتح پرپرجوش ملی نغمہ جاری

یہ نغمہ وطن کی بقا، خودمختاری اور سلامتی کے لیے جان نچھاور کرنے والے شہدا کو خراجِ عقیدت پیش کرتا ہے۔ نغمے میں بھارت کے خلاف معرکۂ حق میں حاصل کی گئی کامیابی کو جوش و جذبے سے بھرپور انداز میں پیش کیا گیا ہے اور اسے عظیم فتح کی یادگار قرار دیا گیا ہے۔

’دل سے پاکستان‘ میں قومی یکجہتی، ترقی اوراستحکام کے عہد کی تجدید کی گئی ہے، جب کہ مسلح افواج کے جذبہ قربانی اور دفاع وطن کے لازوال عزم کو بھرپور انداز میں سراہا گیا ہے۔ نغمہ مادرِ وطن کے محافظوں کو خراجِ تحسین پیش کرتا ہے اور پوری قوم کو حب الوطنی کے جذبے میں یکجا کرنے کا پیغام دیتا ہے۔

مزید پڑھیں:بیانیے کی جنگ میں پاکستان کی واضح برتری، پاکستانی ملی نغمہ بھارتی یوٹیوب چینلز پر نشر

آئی ایس پی آر کی جانب سے جاری کیا گیا یہ نغمہ نہ صرف ایک فنی شاہکار ہے بلکہ ایک قومی جذبے کا عکاس بھی ہے، جو ہر پاکستانی کے دل کی آواز بن کر ابھرا ہے۔