ڈی آئی خان، گاڑی کھائی میں گرنے سے ایک ہی خاندان کے 11 افراد جاں بحق

ڈیرہ اسماعیل خان میں افسوسناک حادثہ پیش آیا جہاں گاڑی کھائی میں گرنے سے 11 افراد جاں بحق ہوگئے۔

ریسکیو حکام کے مطابق ڈی آئی خان میں داناسر کے مقام پر گاڑی بریک فیل ہونے کے باعث کھائی میں جا گری، جس کے نتیجے میں 11 افراد جان کی بازی ہار گئے جبکہ 3 زخمی ہوئے ہیں۔

یہ بھی پڑھیں : محکمہ موسمیات کی ملک کے مختلف مقامات پر گرج چمک کیساتھ بارش کی پیشگوئی

حکام کا بتانا ہے کہ  حادثہ خانوزئی سے ڈیرہ اسماعیل خان آتے ہوئے پیش آیا اور حادثے میں جاں بحق ہونے والے افراد کا تعلق ایک ہی خاندان سے ہے۔

یہ بھی پڑھیں : راولپنڈی اسلام آباد اور گردونواح میں زلزلے کے جھٹکے

ریسکیو حکام کے مطابق زخمیوں میں دریا خان، احمد اور 10 سالہ یوسف شامل ہیں، زخمیوں اور تمام نعشوں کو ضابطے کی کارروائی کے بعد ہسپتال منتقل کر دیا گیا ہے۔