مونا عالم نے مہر بخاری کے بیان کی تردید کر دی

سینئر صحافی اور اینکر پرسن مونا عالم نے مہر بخاری کے سابق وزیرِاعظم عمران خان کے شفا ہسپتال میں طبی قیام سے متعلق بیان کی تردید کر دی ہے۔

مہر بخاری کی جانب سے دعویٰ کیا گیا تھا کہ شفا ہسپتال میں عمران خان کے ممکنہ طبی قیام کے لیے بڑے پیمانے پر تیاریاں مکمل کر لی گئی ہیں۔ ان کے مطابق سابق وزیرِاعظم کی طبی نگہداشت کے لیے ہسپتال کے ہزاروں مربع فٹ پر محیط ایک وسیع بیسمنٹ کو خصوصی طور پر تیار کیا گیا ہے۔

 یہ بھی پڑھیں :مہر بخاری کی شفا انٹر نیشنل کی بیسمنٹ کو خصوصی طور پر تیار کروانے کی خبر من گھڑت نکلی ، آزاد ڈیجٹل حقیقت منظر عام پر لے آیا

مہر بخاری کے بیان کے بعد سوشل میڈیا پر بھی اس حوالے سے مختلف قیاس آرائیاں سامنے آئیں، تاہم سینئر صحافی مونا عالم نے ان دعوؤں کی تردید کرتے ہوئے واضح کیا کہ مہر بخاری کی جانب سے سامنے آنے والی معلومات درست نہیں ہیں۔

مونا عالم کی تردید کے بعد عمران خان کے شفا ہسپتال میں ممکنہ طبی قیام سے متعلق سامنے آنے والی اطلاعات پر ایک بار پھر سوالات اٹھ گئے ہیں۔