اداکارہ سارہ خان نے شادی کرلی

پاکستانی ڈراموں میں کام کرنے والی معروف بھارتی اداکارہ سارہ خان نے اپنی عمر سے چار سال چھوٹے اداکار و پروڈیوسر کرش پاٹھک سے دوسری شادی کرلی۔

اداکارہ نے فوٹو اور ویڈیو شیئرنگ ایپ انسٹاگرام پر شادی کی تصاویر شیئر کیں، جن میں وہ میرج سرٹیفکیٹ پر دستخط کرتی اور اپنے شوہر کے ساتھ خوشگوار لمحات گزارتے ہوئے نظر آرہی ہیں۔

سارہ خان نے اپنی پوسٹ میں لکھا، ’’دو عقائد، ایک اسکرپٹ، لامحدود محبت، دستخطوں پر مہر ثبت ہے۔‘‘ انہوں نے مزید لکھا، ’’‘قبول ہے‘ سے سات پھیرے تک، ہماری محبت ایک کہانی ہے جو ایسے اتحاد کو ظاہر کرتی ہے جہاں عقائد تقسیم نہیں بلکہ ایک دوسرے میں مل جاتے ہیں۔‘‘

 

View this post on Instagram

 

A post shared by Saaraa Khan (@ssarakhan)

واضح رہے کہ سارہ خان کی پہلی شادی 2010 میں رئیلٹی شو بگ باس کے ساتھی اداکار علی مرچنٹ سے ہوئی تھی، تاہم کچھ عرصے بعد دونوں میں علیحدگی ہوگئی۔

یہ بھی پڑھیں: شادی کے ایک سال بعد عمیر جسوال نے اہلیہ کی تصویر مداحوں کیساتھ شیئر کردی

تقریباً 15 سال بعد 36 سالہ اداکارہ نے اپنی عمر سے چار سال چھوٹے کرش پاٹھک سے دوسری شادی کی ہے۔