خارجی دہشتگرد کے فتنہ الخوارج کے حوالے سے ہوشربا انکشافات

خارجی دہشتگرد کے فتنہ الخوارج کے حوالے سے ہوشربا انکشافات سامنے آ گئے۔

خارجی دہشت گرد احسان اللہ ولد عبدالجنان، قوم محسود نے ایک ویڈیو بیان میں  ہوشربا انکشافات کرتے ہوئے کہا کہ فتنہ الخوارج مذہب کے نام پر نوجوانوں کو ورغلا کر پاک فوج کے خلاف دہشت گرد کارروائیوں میں استعمال کرتے ہیں۔

 اس نے اعتراف کیا کہ وہ تین سال تک کمانڈر بدری، کمانڈر مشتاق، کمانڈر گرنیڈ اور کمانڈر اسلام الدین کی سہولت کاری کرتے رہے اور بکتر بند گاڑی و تتور میں پولیس اسٹیشن پر حملے سمیت مختلف کارروائیوں میں حصہ لیا۔

یہ بھی پڑھیں:خیبرپختونخوا میں سیکیورٹی فورسز کی کامیاب کارروائیاں، 34 فتنہ الخوارج دہشتگرد ہلاک، آئی ایس پی آر

خارجی دہشت گرد نے بتایا کہ کئی  خوارج کمانڈر ہمارے ساتھ بداخلاقی کرتے تھے ،  اپنے ذاتی مفادات کے لیے نوجوانوں کو بدکاری اور گناہ کی طرف بھی اکساتے تھے۔

🚨🚨خارجی دہشتگرد کے فتنہ الخوارج کے حوالے سے ہوشربا انکشافات۔۔۔
فتنہ الخوارج مذہب کے نام پر نوجوانوں کو ورغلا کر پاک فوج کیخلاف ذہن سازی کرتے ہیں، نوجوانوں سے اپیل ہے کہ پاک فوج کا ساتھ دیں تاکہ دہشت گرد عناصر کی روک تھام اور خاتمہ ہو سکے،خارجی دہشت گرد pic.twitter.com/dSt3B6Vwet

— Azaad Urdu (@azaad_urdu) November 17, 2025

اس کا بتانا تھا  کہ خوارج نے جھوٹ بولا کہ پاک فوج کافر ہے، جبکہ حقیقت میں خوارج خود کافر اور مرتد ہیں۔ احسان اللہ نے اعتراف کیا کہ انہوں نے پاک فوج کے جوانوں کو پانچ وقت نماز پڑھتے دیکھا اور نماز و کلمے سیکھے جو پہلے نہیں آتے تھے۔

مزید پڑھیں:خضدار میں خفیہ اطلاع پر کارروائی، بھارتی حمایت یافتہ 5 خوارج دہشتگرد ہلاک، اسلحہ برآمد

خارجی دہشتگرد نے نوجوانوں سے اپیل کی کہ وہ پاک فوج کا ساتھ دیں تاکہ دہشت گرد عناصر کی روک تھام اور خاتمہ ممکن ہو سکے، ہم ان دہشت گرد خوارج کی وجہ سے تباہ و برباد ہو گئےہیں ۔

مذہب کے نام پر دہشت ، نفرت اور انتشار پھیلانے والوں کیخلاف کارروائیاں جاری ہیں ، سیکیورٹی فورسز ملک سے فتنہ الخوارج کے دہشت گردوں کے خاتمے کے لیے پرعزم ہیں۔