پہلا روزہ، جانیں! آپ کے شہر میں کتنے بجے ہوگی افطاری

ملک بھر میں آج یکم رمضان المبارک کا پہلا روزہ رکھا جا رہا ہے اور روح پرور ساعتوں میں افطار کے اوقات بھی جاری کر دیے گئے ہیں۔ رمضان کلینڈر کے مطابق فقہ حنفیہ کے تحت مختلف شہروں میں روزہ افطار کے اوقات کا اعلان کر دیا گیا ہے تاکہ شہری بروقت اپنی عبادات کی تیاری مکمل کر سکیں۔

وفاقی دارالحکومت اسلام آباد میں آج افطار کا وقت 5 بج کر 56 منٹ مقرر کیا گیا ہے جبکہ راولپنڈی میں 5 بج کر 55 منٹ پر روزہ افطار ہوگا۔ لاہور میں افطار کا وقت 5 بج کر 53 منٹ ہے جبکہ فیصل آباد میں 5 بج کر 58 منٹ پر افطار کیا جائے گا۔

یہ بھی پڑھیں:سعودی عرب میں آج چاند نظر نہ آنے کی صورت میں پہلا روزہ کب ہوگا، اعلان ہوگیا

جنوبی پنجاب کے شہروں میں ملتان اور بہاولپور میں 6 بج کر 5 منٹ پر روزہ افطار ہوگا جبکہ رحیم یار خان میں 6 بج کر 12 منٹ پر افطار کا وقت مقرر ہے۔ ڈیرہ غازی خان میں 6 بج کر 9 منٹ پر افطار ہوگا۔

وسطی پنجاب کے شہروں میں سیالکوٹ میں 5 بج کر 51 منٹ، گجرانوالہ اور گجرات میں 5 بج کر 52 منٹ، سرگودھا میں 5 بج کر 59 منٹ اور جھنگ میں 6 بج کر 1 منٹ پر افطار ہوگا۔ میانوالی میں 6 بج کر 3 منٹ مقرر کیا گیا ہے۔

صوبہ سندھ میں کراچی میں 6 بج کر 28 منٹ پر افطار ہوگا جبکہ سکھر میں 6 بج کر 18 منٹ اور لاڑکانہ میں 6 بج کر 21 منٹ پر روزہ کھولا جائے گا۔

خیبرپختونخوا کے شہروں میں پشاور میں 6 بج کر 1 منٹ، ایبٹ آباد میں 5 بج کر 55 منٹ، مردان میں 6 بجے اور صوابی میں 5 بج کر 59 منٹ پر افطار ہوگا۔ ڈیرہ اسماعیل خان میں 6 بج کر 6 منٹ مقرر کیا گیا ہے۔

صوبہ بلوچستان کے دارالحکومت کوئٹہ میں 6 بج کر 23 منٹ پر روزہ افطار ہوگا۔ جبکہ مظفرآباد میں 5 بج کر 53 منٹ اور گلگت بلتستان میں 5 بج کر 49 منٹ پر افطار کا وقت مقرر ہے۔

علمائے کرام نے رمضان المبارک کے پہلے روزے کے موقع پر عوام کو تلقین کی ہے کہ وہ صبر، برداشت اور اخوت کو فروغ دیں، نمازوں کی پابندی کریں اور مستحقین کی مدد کو یقینی بنائیں۔ ماہرین صحت نے بھی مشورہ دیا ہے کہ افطار میں سادہ اور متوازن غذا کا استعمال کیا جائے تاکہ صحت برقرار رہے۔