اظہر مشوانی کا مولانا طاہر اشرفی کو ہراساں نہ کرنے کا دعویٰ غلط ثابت، سی سی ٹی فوٹیج منظر عام پر آگئی

علامہ طاہر اشرفی کو ہراساں کرنے کے واقعہ کی سی سی ٹی وی فوٹیج منظر عام پر آگئی ہے جس میں تحریک انصاف کے رہنما اظہر مشوانی بھی ہراساں کرنے والوں میں شامل دیکھائی دے رہے ہیں۔

سینئر صحافی سفینہ خان نے دعویٰ کیا ہے کہ اس ویڈیو میں اظہر مشوانی کے جھوٹ کا پردہ چاک کردیا ہے۔

ویڈیو میں اظہر مشوانی اپنے ساتھ موجود چند ٹک ٹاکرز اور غنڈوں کو ہدایات دیتے ہیں اور پھر وہ اسی مقام پر کھڑے ہو کر مولانا طاہر اشرفی کے ساتھ کی جانے والی بدتمیزی کو دیکھنا شروع کر دیتے ہیں۔

اظہر مشوانی کے جھوٹ کا پردہ چاک ویڈیو میں صاف دکھائی دے رہا ہے اظہر مشوانی اپنے چند ٹک ٹاکرز نامہ غنڈوں کیساتھ اتا ہے انھیں ہدایات جاری کرنے کے بعد ادھر اسی مقام پر مولانا طاہر اشرفی کے ساتھ کی جانے والی بدتمیزی کو ایک طرف کھڑا ہو کر دیکھنا شروع کر دیتا ہے pic.twitter.com/EdirRjYfqc

— Safina Khan (@Safinakhan) April 28, 2026

اس سے پہلے، اظہر مشوانی نے اپنی ایک پوسٹ میں کہا تھا کہ “خود کو عالم دین کہنے والا اتنی شرم اور دھتکار سے جھوٹ بولتا ہے کہ ابلیس بھی پناہ مانگے۔” انہوں نے مزید کہا کہ “یہ حملہ نہیں، پاکستانی نوجوانوں کے سوالات تھے۔”

یہ بھی پڑھیں: کوہستان میں جنگلات کی کٹائی کی ویڈیو کا معاملہ: پی ٹی آئی رہنما اظہر مشوانی نے فیکٹ چیک کے بعد ٹوئٹ ڈیلیٹ کر دی

اظہر مشوانی نے اپنی پوسٹ میں یہ بھی لکھا کہ “طاہر اشرفی کے ساتھ یا دور تک کوئی فیملی موجود نہیں تھی۔ بدقسمتی سے میں سوالات کرنے والوں میں شامل نہیں تھا ورنہ کاذب اعظم سے ضرور پوچھتا کہ عدت جیسے گھمبیر مقدمے کروانے والے ہے شرموں کا اتنی دھتکار سے دفاع کرنے کے لئے ضمیر کا سودا کرنے میں ہوتا ہے؟”