چاند کے چھپے رنگ سامنے آگئے، حیران کن سائنسی انکشاف

عام آنکھ سے دیکھا جائے تو چاند کی سطح سادہ سرمئی اور سفید رنگوں کا ایک یکساں منظر پیش کرتی ہے، لیکن حقیقت اس سے کہیں زیادہ دلچسپ ہے۔

سائنسدانوں کے مطابق جب چاند کی ہائی ریزولوشن تصاویر کو خاص طریقے سے پروسیس کیا جاتا ہے تو اس کی سطح پر مختلف معدنیات اور کیمیائی عناصر کے حیرت انگیز رنگ سامنے آتے ہیں، جو چاند کی تشکیل اور اس کی تاریخ کے بارے میں اہم راز کھولتے ہیں۔

یہ بھی پڑھیں :فضا سے پانی بنانے والا انقلابی ہائیڈروجل تیار، سائنسدانوں کی بڑی پیشرفت

گہرا نیلا رنگ ان علاقوں کی نشاندہی کرتا ہے جہاں ٹائٹینیئم ڈائی آکسائیڈ کی مقدار زیادہ ہوتی ہے، یہ عام طور پر چاند کے آتش فشانی میدانوں میں پایا جاتا ہے۔

نارنجی، سرخ اور جامنی رنگ ایسے حصوں کی طرف اشارہ کرتے ہیں جہاں آئرن آکسائیڈ موجود ہوتا ہے، جبکہ کچھ علاقوں میں الومینیم سے بھرپور چٹانیں یا شہابیوں کے ٹکراؤ سے بننے والا شیشہ بھی پایا جاتا ہے۔

یہ بھی پڑھیں :ڈیٹا شیئرنگ میں نیا انقلاب، گوگل کا دلچسپ اقدام

اس کے برعکس ہلکے اور چمکدار حصے چاند کے قدیم پہاڑی علاقوں کی نمائندگی کرتے ہیں، جہاں کیلشیم سے بھرپور ایک خاص معدنیات اینورتھوسائٹ موجود ہوتا ہے۔

یہ رنگین نقشہ سائنسدانوں کے لیے چاند کی سطح، اس کی معدنی ساخت اور اربوں سال پر محیط ارتقائی تاریخ کو سمجھنے میں مدد فراہم کرتا ہے۔