کاہنہ میں ٹیوشن پڑھنے کے دوران چھت گرنے سے متعدد بچے دب گئے، 14 دم توڑ گئے ،ایم ایس کاہنہ ہسپتال

لاہور،کاہنہ میں ٹیوشن سینٹر کی چھت کر گئی  14 بچے جاں بحق ہو گئے ہیں ،چھت گرنے سے ٹیچر بھی زخمی ۔

میڈیا رپورٹس کے مطابق کاہنہ میں کچوانہ روڈ پر قائم ٹیوشن سینٹر کی چھت گر گئی 25 سے زائد بچے ملبے تلے دب گئے  بعد ازاں 14 بچے دم توڑ گئے ۔

 چھت گرنے کے باعث مزید بچوں کے ملبے تلے دبے ہونے کی اطلاع ہے ،ریسکیو 1122 اور اہل محلہ اپنی مدد آپ کے تحت امدادی کارروائیوں میں مصروف ہیں ۔   ایس ٹی ایچ کیو ہسپتال کاہنہ کے مطابق 14 بچے دم توڑ  چکے ہیں،وزیر اعلی پنجا ب مریم نواز نے واقعہ کا نوٹس لیتے ہوئے رپورٹ طلب کرلی   ہے جبکہ عمارت کے مالک سمیت دو افراد کو حراست میں لے لیا گیا ہے

وزیراعلیٰ پنجاب مریم نواز نے کاہنہ میں ٹیوشن سینٹر کی چھت گرنے کے افسوسناک حادثے کا نوٹس لیتے ہوئے امدادی کارروائیوں کو مزید تیز کرنے کی ہدایت جاری کر دی ہے۔

یہ بھی پڑھیں :کراچی : لیاری میں عمارت کی چھت گرگئی، 2 خواتین جاں بحق، 4 زخمی

تفصیلات کے مطابق وزیراعلیٰ نے متعلقہ حکام کو ہدایت کی ہے کہ فوری طور پر ریسکیو آپریشن کو مؤثر اور تیز بنایا جائے تاکہ ملبے تلے دبے افراد کو جلد از جلد نکالا جا سکے۔

انہوں نے صوبائی وزرا اور متعلقہ اداروں کو جائے حادثہ پر پہنچ کر امدادی کارروائیوں کی نگرانی کرنے کی بھی ہدایت کی ہے تاکہ ریسکیو عمل میں کسی قسم کی تاخیر نہ ہو۔

حکومتی ہدایت کے مطابق تمام دستیاب وسائل کو بروئے کار لاتے ہوئے متاثرہ افراد کو فوری طبی امداد فراہم کرنے اور ریسکیو آپریشن کو تسلسل کے ساتھ جاری رکھنے پر زور دیا گیا ہے۔

  میڈیا رپورٹس کے مطابق لاہور کے نواحی علاقے کاہنہ میں ایک ٹیوشن سینٹر کی چھت گرنے سے افسوسناک حادثہ پیش آیا ہے، جس میں متعدد بچے ملبے تلے دب گئے ابتدائی میڈیا رپورٹس کے مطابق بچوں کی ممکنہ تعداد 35 تک بتائی جا رہی ہے، جبکہ اب تک  متعدد بچوں کو ملبے سے نکال لیا گیا ہے جبکہ 14 ہسپتال انتظامیہ کے مطابق 14 بچوں کے جاں بحق ہونے کی اطلاعات ہیں۔

تفصیلات کے مطابق دیہی علاقے میں ایک گھر میں ٹیوشن سینٹر قائم تھا جہاں روزانہ قریباً 30سے35 بچے زیرِ تعلیم آتے تھے  عینی شاہدین کے مطابق اچانک گھر کی چھت، جو ٹی آر گارڈر پر مشتمل تھی، زور دار دھماکے کے ساتھ گر گئی اور پورا کمرہ ملبے کا ڈھیر بن گیا۔

یہ بھی پڑھیں :پنڈ دادن خان میں زلزلے کے باعث گھر کی چھت گر گئی، 12 سالہ لڑکا جاں بحق، 9 افراد زخمی

واقعے کے فوراً بعد اہل محلہ نے ریسکیو اداروں کو اطلاع دی، جس پر امدادی ٹیمیں اور پولیس موقع پر پہنچ گئیں مقامی افراد بھی امدادی کارروائیوں میں شریک ہوئے اور بچوں کو ملبے سے نکال کر کاہنہ ہسپتال منتقل کیا ۔

ریسکیو حکام کے مطابق ملبے سے نکالے گئے کئی بچوں کی حالت تشویشناک تھی، جنہیں فوری طور پر قریبی ہسپتال منتقل کیا گیا، امدادی کارکنوں نے بچوں کے منہ اور ناک سے مٹی صاف کر کے سانس بحال کرنے کی کوشش کی کچھ بچوں کی نبض نہ چلنے کی اطلاعات بھی سامنے آئی ہیں، جس کے باعث مزید اموات کا خدشہ ظاہر کیا جا رہا ہے۔

اطلاعات کے مطابق چھت پر مٹی کی بھاری تہہ موجود تھی، جس کے باعث بوجھ بڑھنے پر اچانک ساخت کمزور ہو کر گر گئی ریسکیو حکام کا کہنا ہے کہ آپریشن مکمل ہونے تک متاثرہ بچوں کی حتمی تعداد اور صورتحال واضح نہیں ہو سکے گی۔

ابتدائی میڈیا رپورٹس کے مطابق اب تک14 بچے جاں بحق ہوچکے ہیں جبکہ مجموعی طور پر 20 سے25 بچوں کے ملبے تلے ہونے کا امکان ہے، تاہم مقامی افراد کا کہنا ہے کہ ٹیوشن سینٹر میں35 کے قریب بچے موجود تھے۔

ہسپتال ذرائع کے مطابق متعدد بچوں کی حالت نازک ہے جبکہ کئی زخمی ہیں۔ واقعے نے علاقے میں افسوس اور تشویش کی فضا پیدا کر دی ہے اور امدادی کارروائیاں تاحال جاری ہیں۔