انٹرنیشنل کرکٹ کونسل (آئی سی سی) نے پاکستان کے آل راؤنڈر محمد نواز کو اینٹی ڈوپنگ قوانین کی خلاف ورزی پر سزا سنا دی۔
پاکستانی سپن آل راؤنڈر محمد نواز پر آئی سی سی اینٹی ڈوپنگ کوڈ کی خلاف ورزی کے اعتراف کے بعد ان پر تین ماہ کی پابندی عائد کی گئی ہے۔تاہم ری ہیب پروگرام مکمل کرنے پر اس پابندی کو کم کر کے ایک ماہ کر دیا جائے گا۔
32 سالہ محمد نواز کا ڈوپ ٹیسٹ رواں سال 7 فروری کو سری لنکا کے شہر کولمبو میں نیدرلینڈز کے خلاف کھیلے گئے آئی سی سی مینز ٹی ٹوئنٹی ورلڈ کپ 2026 کے میچ کے بعد لیا گیا تھا، جس میں ممنوعہ مادے کے استعمال کی تصدیق ہوئی تھی۔
محمد نواز نے اپنی غلطی کا اعتراف کرتے ہوئے واضح کیا کہ انہوں نے یہ مادہ کھیل کے میدان سے باہر اور غیر مسابقتی ماحول میں استعمال کیا تھا، اور اس کا کھیل کی کارکردگی کو بڑھانے سے کوئی تعلق نہیں تھا۔
چونکہ وہ ڈھائی ماہ کی معطلی پہلے ہی گزار چکے ہیں اس لیے پروگرام مکمل ہونے کی صورت میں انہیں مزید کسی پابندی کا سامنا نہیں کرنا پڑے گا تاہم آئی سی سی نے 7 فروری سے یکم مئی 2026 تک ان کے تمام کرکٹ ریکارڈز بھی کالعدم قرار دے دیے ہیں۔
By 
