انجری کے باعث نجیہہ علوی ویمنز ٹی ٹوئنٹی ایشیا کپ سے باہر

پاکستان ویمنز کرکٹ ٹیم کو ایشیا کپ سے قبل بڑا دھچکا، نجیہہ علوی بائیں گھٹنے کی انجری کے باعث ٹورنامنٹ سے باہر ہوگئیں۔

پاکستان کرکٹ بورڈ کے مطابق نجیہہ علوی کو بائیں گھٹنے میں تکلیف کے باعث ان فٹ قرار دیا گیا ہے، جس کے بعد انہیں ویمنز ٹی ٹوئنٹی ایشیا کپ کے اسکواڈ سے باہر کردیا گیا۔ نجیہہ علوی کی جگہ صدف شمس کو قومی اسکواڈ میں شامل کرلیا گیا ہے۔

پی سی بی کے میڈیکل پینل نے معائنے کے بعد نجیہہ علوی کو تین سے چار ہفتے آرام کا مشورہ دیا ہے۔ بورڈ کے مطابق کرکٹر کا ری ہیب پروگرام جاری رہے گا، جس کے بعد ان کا دوبارہ طبی معائنہ کیا جائے گا۔

یہ بھی پڑھیں:ارلنگ ہالینڈ کا نیا روپ وائرل، لمبے بالوں کو کہا الوداع

واضح رہے کہ ویمنز ٹی ٹوئنٹی ایشیا کپ 28 اگست سے 13 ستمبر تک دبئی میں کھیلا جائے گا۔ پاکستان کو ٹورنامنٹ کے گروپ اے میں بھارت، تھائی لینڈ اور ہانگ کانگ کے ساتھ رکھا گیا ہے۔

نجیہہ علوی کی انجری کے باعث قومی ٹیم کو ایشیا کپ سے قبل اپنے اسکواڈ میں اہم تبدیلی کرنا پڑی ہے، جبکہ صدف شمس کو موقع ملنے سے پاکستان کے بیٹنگ آپشنز میں بھی اضافہ ہوگا۔