دیپیکا پڈوکون اور رنویر سنگھ کے ہاں دوسری بیٹی کی پیدائش

بالی وڈ کی معروف سپر سٹار جوڑی اداکارہ دیپیکا پڈوکون اور رنویر سنگھ کے گھر ننھی پری کی آمد ہوئی ہے۔

تفصیلات کے مطابق دیپیکا پڈوکون کے ہاں دوسرے بچے کی پیدائش ہوئی ہے اور خوشی کی خبر اداکارہ نے اپنے سوشل میڈیا اکاؤنٹ انسٹاگرام پر مداحوں کے ساتھ شیئر کی ہے۔

اداکارہ نے اپنی پوسٹ میں بتایا کہ ان کے گھر دوسری بیٹی کی پیدائش ہوئی ہے، ساتھ ہی انہوں نے اپنی پوسٹ میں ایک نومولود کے پاؤں کی تصویر شیئر کی اور تاریخ بھی بتائی کہ رواں ماہ کی 19 تاریخ کو ان کے ہاں بیٹی کی پیدائش ہوئی ہے۔

اس جوڑے نے رواں سال اپریل میں سوشل میڈیا پر ایک سادہ سی پوسٹ کے ذریعے اپنے دوسرے بچے کی خوشخبری سنائی تھی۔

یہ بھی پڑھیں : ہانیہ عامر کا شائے گل کا گانا کاپی کرنے کی سوشل میڈیا پر بحث، گلوکارہ نے وضاحت دیدی

اس خبر کے بعد شوبز ستاروں سمیت مداحوں کی جانب سے مبارکباد کا سلسلہ جاری ہے جبکہ جوڑے کے لیے نیک تمناؤں کا اظہار بھی کیا جا رہا ہے۔

 واضح رہے کہ رنویر اور دیپیکا پڈوکون کی شادی 2018 میں اٹلی میں ایک پُروقار تقریب میں ہوئی تھی اور جوڑے کی ایک بیٹی دعا بھی ہے۔