سہیل آفریدی کے فرنٹ مین پتنگ ہادی کے خلاف گھیرا تنگ، صحافی وقار ستی کی تہلکہ خیز خبر

خیبرپختونخوا کی حکومت میں سرکاری معاملات اور ترقیاتی منصوبوں پر اثراندازی سے متعلق نئے سوالات سامنے آگئے ہیں۔

صحافی وقار ستی نے دعویٰ کیا ہے کہ وزیراعلیٰ سہیل آفریدی کے قریبی رشتہ داروں اور بعض بااثر افراد کے کردار کی چھان بین مکمل ہوگئی ہے۔

وقار ستی کے مطابق عبدالحادی عرف ’’پتنگ ہادی‘‘ کو اس معاملے میں اہم کردار کے طور پر دیکھا جا رہا ہے۔

 یہ بھی پڑھیں وفاق اور ایچ آئی ٹی پر الزامات لگانے والے سہیل آفریدی کے دعوے  جھوٹ کا پلندہ نکلے، تحقیقاتی رپورٹ نے کچا چٹھا کھول دیا

انہوں نے دعویٰ کیا کہ پتنگ ہادی کے خلاف گھیرا تنگ ہونے کی صورت میں معاملے کی کڑیاں وزیراعلیٰ سہیل آفریدی تک پہنچ سکتی ہیں۔

 پتنگ ہادی کا کردار

وقار ستی نے دعویٰ کیا کہ پتنگ ہادی محض ایک مہرہ ہے اور اصل معاملے کی کڑیاں اس سے آگے جاتی ہیں۔

 اگر تحقیقات آگے بڑھتی ہیں تو بعض ایسے نام بھی سامنے آسکتے ہیں جو صوبائی حکومت کے اہم حلقوں سے تعلق رکھتے ہیں۔

وقار ستی نے سہیل آفریدی کے بھائیوں نوید، وحید اور عامر آفریدی کے نام بھی اپنے دعوے میں لیے ہیں۔

انہوں نے وزیراعلیٰ کے کزن ادریس آفریدی کا ذکر بھی کیا اور کہا کہ بعض افراد سرکاری معاملات میں اثرانداز ہو رہے ہیں۔

ترقیاتی منصوبے زیر بحث

وقار ستی  نےکہا ہے کہ صوبائی وسائل اور ترقیاتی منصوبوں سے متعلق معاملات بھی اس چھان بین کا حصہ ہیں۔

  انہوں نے کہا کہ  معاملہ صرف ایک فرد تک محدود نہیں بلکہ اس کے پیچھے موجود پورے نیٹ ورک کو دیکھنے کی ضرورت ہے۔

 یہ بھی پڑھیں :خیبرپختونخوا کے شہری وزیراعلیٰ کی کارکردگی سےغیرمطمئن، سہیل آفریدی پر شدید تنقید

وقار ستی نے دعویٰ کیا کہ اربوں روپے کے ترقیاتی منصوبوں سے متعلق معاملات میں بھی اہم سوالات سامنے آئے ہیں۔

انہوں نے  کہا  کہ پتنگ ہادی کے کردار کی مکمل تحقیقات معاملے کی مزید کڑیاں سامنے لاسکتی ہیں۔

گھیرا کہاں تک جائے گا؟

وقار ستی کے مطابق اگر پتنگ ہادی سے متعلق تحقیقات آگے بڑھتی ہیں تو معاملہ صرف ایک شخص تک محدود نہیں رہے گا۔

انہوں نے سوال اٹھایا کہ اگر پتنگ ہادی ایک مہرہ ہے تو اس کے پیچھے موجود قوتیں کون ہیں۔

اسی تناظر میں انہوں نے کہا کہ گھیرا تنگ ہونے کی صورت میں اس معاملے کی ڈور وزیراعلیٰ سہیل آفریدی تک پہنچ سکتی ہے۔

یہ دعویٰ ایک سیاسی اور انتظامی پس منظر میں سامنے آیا ہے جہاں صوبائی حکومت پہلے ہی گورننس اور اختیارات کے استعمال سے متعلق سوالات کا سامنا کر رہی ہے۔