By مون سون اور سمندری طوفان اسنی کے بعد بلوچستان میں سیلاب نے تباہی مچا دی جبکہ جھل مگسی کو آفت زدہ قرار دے دیا گیا۔
مون سون کی حالیہ بارشوں اور سمندری طوفان اسنی نے بلوچستان میں بڑے پیمانے پر تباہی مچادی ہے، اچانک سیلاب نے گھروں اور بنیادی ڈھانچے کو تباہ کر دیا ہے۔ اے آر وائی نیوز کے مطابق موسلا دھار بارش وں کے باعث ندی نالوں میں طغیانی آ گئی ہے جس سے مواصلاتی نظام درہم برہم ہو گیا ہے اور کئی علاقے زیر آب آ گئے ہیں۔
یہ بھی پڑھیں: سوزوکی جی ایس 150موٹر سائیکل پر خریداروں کیلئےزبردست آفر لگا دی گئی
ضلع جھل مگسی کی تحصیل گنڈاکھا میں ندی نالوں میں طغیانی کے باعث نہریں ٹوٹ گئیں، درجنوں دیہات زیر آب آ گئے اور کچے مکانات تباہ ہو گئے جس سے سیکڑوں افراد بے گھر ہو گئے۔
نصیر آباد میں ربیع نہر میں بھی دراڑیں پڑ گئی ہیں جس کی وجہ سے کئی دیہات زیر آب آ گئے ہیں۔ جھل مگسی ضلع کو آفت زدہ قرار دیا گیا ہے۔
گوٹھ مٹھو، کوٹ مگسی اور ہاتھیاری سمیت مختلف علاقوں میں سیلابی پانی گھروں میں داخل ہوگیا ہے جس سے زمینی رابطہ منقطع ہوگیا ہے اور بجلی کی فراہمی معطل ہوگئی ہے۔ گنڈاواہ-نوٹل سڑک بند ہے، اور کئی دیگر گاؤں زیر آب ہیں، جس سے فصلیں تباہ ہو گئی ہیں۔
یہ بھی پڑھیں: اپنی چھت، اپنا گھر کے خواہشمند افراد کیلئے اہم خبر
چمن میں تاریخی شیلا باغ ریلوے ٹنل سیلاب کے باعث بند کر دی گئی ہے جس کے باعث کوئٹہ اور چمن کے درمیان ریلوے سروس معطل ہے۔
