ٹیسٹ سیریز: پاکستان جنوبی افریقہ کو وائٹ واش کرنے کیلئے تیار، دونوں ٹیمیں آج مدمقابل ہوں گی

پاکستان اور جنوبی افریقہ کے درمیان آخری ٹیسٹ آج سے راولپنڈی میں شروع ہوگا، تمام تیاریاں مکمل کرلی گئیں۔

تفصیلات کے مطابق پاکستان اور جنوبی افریقہ کے درمیان آخری ٹیسٹ آج سے راولپنڈی میں شروع ہوگا، تمام تیاریاں مکمل کرلی گئیں۔  فیصلہ کن معرکے سے قبل دونوں ٹیموں نے بھرپور پریکٹس کی۔ پاکستانی بیٹرز نے سوئپ اور ریویرس سوئپ کھیلنے کی خصوصی پریکٹس کی۔

ہیڈ کوچ اظہر محمود کا کہنا ہے کہ ٹیسٹ چیمپئن کے خلاف سیریز جیتنے کا بہترین موقع ہے۔ لاہور کی پچ بیٹنگ ، بولنگ دونوں کےلیے اچھی تھی، انہوں نے کہا کہ پنڈی ٹیسٹ کی فائنل الیون کا فیصلہ ٹاس سے پہلے کریں گے۔

مہمان کپتان ایڈن مارکرم کا کہنا تھا کہ ایسی کنڈیشن میں کھیلنا ہمیشہ چیلنجنگ ہوتا ہے، پنڈی میں بھی نعمان اور ساجد کا چیلنج درپیش ہوگا، انہوں نے کہا کہ اچھی بات ہے کیشو مہاراج فٹ ہیں اور وہ فائنل الیون کا حصہ ہوں گے۔

یاد رہے کہ پاکستان اور جنوبی افریقہ کے درمیان دو ٹیسٹ میچوں کی سیریز میں میزبان ٹیم کو ایک صفر کی برتری حاصل ہے۔