By بھارتی فلم انڈسٹری کے معروف اور سینئر اداکار ستیش شاہ 74 برس کی عمر میں انتقال کر گئے۔ فلم ساز اشوک پنڈت کے مطابق ستیش شاہ کی موت گردوں کے فیل ہونے کے باعث ہوئی۔
تفصیلات کے مطابق اشوک پنڈت نے اپنے انسٹاگرام اکاؤنٹ پر اداکار کی تصویر اور ویڈیو شیئر کرتے ہوئے افسوسناک خبر دی۔ ویڈیو پیغام میں انہوں نے بتایا کہ ستیش شاہ کی طبیعت گھر پر خراب ہوئی جس پر انہیں اسپتال منتقل کیا گیا، تاہم وہ جانبر نہ ہو سکے۔ ان کی میت کو جلد باندرہ میں واقع رہائش گاہ پر منتقل کیا جائے گا۔
اشوک پنڈت نے کہا کہ ستیش شاہ کا انتقال بھارتی فلم انڈسٹری کے لیے ایک بڑا نقصان ہے۔ وہ نہ صرف بہترین اداکار بلکہ ایک نہایت شفیق اور عمدہ انسان تھے۔
ستیش شاہ نے اپنے فنی کیریئر میں “جانے بھی دو یارو”، “سارابھائی ورسز سارابھائی”، “میں ہوں نا” اور “اوم شانتی اوم” سمیت متعدد فلموں اور ڈراموں میں یادگار کردار نبھائے۔
