ایس آئی ایف سی  کی جامع حکمت عملی : صنعت، سیاحت اور نجکاری میں نمایاں کامیابیاں

ایس آئی ایف سی  کی جامع حکمت عملی کے مثبت اثرات آنے شروع ہوگئے ہیں جس کے نتیجے میں صنعت، سیاحت اور نجکاری میں نمایاں کامیابیاں حاصل ہوئی ہیں۔

تفصیلات کے مطابق متحدہ عرب امارات کی معروف  انٹرنیشنل ہولڈنگ کمپنی نے فرسٹ ویمن بینک کی نجکاری مکمل کر لی ہے۔

زرعی ترقیاتی بینک لمیٹڈکی نجکاری سے کسانوں کو جدید، تیز ، شفاف اور مؤثر مالی خدمات کی فراہمی ممکن ہوسکےگی جبکہ بی وائی ڈی (بِلڈ یور ڈریمز) کا پاکستان میں الیکٹرک گاڑیوں کی تیاری کے لیے مقامی کمپنیوں سے اشتراک ہوا ہے۔

یہ بھی پڑھیں : آ ئی ٹی انڈسٹری کا سنگ میل ، پاکستانی ایپلیکیشن ڈیولپر کی عالمی پذیرائی

ایس آئی ایف سی کی سہولت کاری سے ای وی چارجنگ اسٹیشنز کے قیام کی طرف سرمایہ کاروں کے رجحان میں اضافہ دیکھنے میں آیا ہے۔

مزید برآں رواں سال گرین ٹورازم پرائیویٹ لمیٹڈ کےتحت گرین پاک لگون گڈانی اور گرین پاک ریورفرنٹ ناران کا باضابطہ افتتاح کیا گیا۔

پاکستان میں  ماحول دوست سیاحت کو نئی جہت، گرین ٹورزم منصوبوں کی رفتار میں نمایاں تیزی آئی ہے جبکہ ایس آئی ایف سی کے ترجیحی منصوبے ملکی معیشت میں بہتری کیلئے مسلسل کوشاں ہیں۔

ماہرین کا کہنا ہے کہ ایس آئی ایف سی کی جانب سے تیار کی گئی جامع حکمتِ عملی نہ صرف ملکی معیشت کے استحکام میں مددگار ثابت ہو رہی ہے بلکہ اس کے مثبت اثرات مستقبل میں مزید نمایاں ہوں گے۔

یہ بھی پڑھیں:ایس آئی ایف سی کے تعاون سےتوانائی اور معدنیات کےشعبے میں اہم پیشرفت

صنعت، سیاحت اور نجکاری کے شعبوں میں حاصل ہونے والی کامیابیاں اس بات کا ثبوت ہیں کہ درست سمت میں کیے گئے فیصلے ملک کو معاشی ترقی کی نئی راہوں پر گامزن کر سکتے ہیں۔ توقع ہے کہ تسلسل کے ساتھ کیے جانے والے اقدامات سے سرمایہ کاری کے مزید مواقع پیدا ہوں گے اور پاکستان کی معیشت بتدریج مضبوط بنیادوں پر استوار ہوگی۔