بانی پی ٹی آئی کو نہ تو حکومت اور نہ ہی اسٹیبلشمنٹ کی طرف سے ڈیل کی آفر ہوئی ، رانا ثنا اللہ

وزیراعظم کے مشیر برائے سیاسی امور سینیٹر رانا ثناء اللہ نے پی ٹی آئی سے مبینہ ڈیل کی خبروں کی سختی سے تردید کر دی ہے۔

رانا ثناء اللہ کا کہنا تھا کہ پی ٹی آئی کو نہ تو کسی قسم کی ڈیل کی آفر کی گئی ہے اور نہ ہی کوئی ڈیل کا آپشن ٹیبل پر موجود ہے۔

انہوں نے واضح کیا کہ بانی پی ٹی آئی کو نہ حکومت کی جانب سے اور نہ ہی اسٹیبلشمنٹ کی طرف سے کسی ڈیل کی پیشکش ہوئی ہے اور نہ ایسی کوئی ڈیل موجود ہے۔

وزیراعظم کے مشیر نے مزید کہا کہ بانی پی ٹی آئی کی سزاؤں کا فیصلہ عدالتوں میں ہوگا، جیسا کہ ماضی میں نواز شریف اور زرداری کے معاملے میں ہوا تھا۔

یہ بھی پڑھیں: اسد قیصر، مرزاآفریدی سمیت کون کون پی ٹی آئی پارلیمنٹرینز کو کھانا پہنچا رہا ہے؟ سینئر صحافی حماد حسن نے تحریک انصاف کے رہنماوں کے دعووں کو بے نقاب کردیا