میرا کا بڑا بیان، شان شاہد کو شاہ رخ خان سے بھی بڑا قرار دے دیا

پاکستانی فلم انڈسٹری کی معروف اداکارہ میرا ایک بار پھر خبروں میں ہیں اس باروجہ  ان کی نئی فلم نہیں بلکہ ایک بیان بنی جو حال ہی میں سامنے آیا ۔

یہ بھی پڑھیں :ایران سے نیا معاہدہ اوباما اور بائیڈن دور کے جوہری معاہدے سے بہتر ہوگا: ڈونلڈ ٹرمپ

میرا نے حال ہی میں ریحان طارق کے پوڈکاسٹ میں شرکت کی جہاں وہ اپنی آنے والی فلم ’سیکو‘کی تشہیر کر رہی تھیں۔ گفتگو کے دوران انہوں نے پاکستانی سپر اسٹار شان شاہد کی بھرپور تعریف کی اور انہیں بھارتی اداکار شاہ رخ خان سے بھی بڑا اسٹار قرار دے دیا۔

ایک سوال کے جواب میں کہ ’پاکستان کا شاہ رخ خان کون ہے؟‘ میرا نے کہا کہ شان شاہد نہ صرف پاکستان کے شاہ رخ خان ہیں بلکہ وہ ان سے بھی بڑے اداکار ہیں۔ ان کے مطابق شان ایک بہترین اداکار، ہدایتکار اور رائٹر ہیں جو فنکاروں کو آسانی سے سکھاتے اور رہنمائی کرتے ہیں۔

یہ بھی پرھیں:ریما خان کا دلچسپ انکشاف، ریما کی شاہ رخ کے ساتھ پرفارمنس کی 2 شرطیں کیا تھی

میرا نے مزید کہا کہ اگر انہیں شان شاہد اور شاہ رخ خان میں سے کسی ایک کو منتخب کرنا ہو تو وہ بلا جھجھک شان شاہد کو ترجیح دیں گی۔ ان کا کہنا تھا کہ ہمیں بھارتی اداکاروں سے موازنہ کرنے کے بجائے اپنی انڈسٹری پر فخر کرنا چاہیے۔

یاد رہے کہ میرا جلد فلم سیکوکے ساتھ واپسی کر رہی ہیں جبکہ وہ اس سے قبل فلم باجی میں بھی نظر آئی تھیں جو باکس آفس پر کامیاب رہی تھی۔