صارفین کیلئے بڑی خوشخبری ، حکومت نے بجلی سستی کر دی

حکومت نے بجلی کی قیمت میں ایک پیسہ فی یونٹ کمی کر دی ۔ یہ فیصلہ ماہانہ فیول ایڈجسٹمنٹ کے تحت کیا گیا ہے۔ اس کمی کا اطلاق مئی کے بجلی کے بلوں میں ہوگا۔

نیشنل الیکٹرک پاور ریگولیٹری اتھارٹی کی جانب سے فیول ایڈجسٹمنٹ کی مد میں یہ فیصلہ کیا گیا ہے۔ جاری اعلامیے کے مطابق مارچ کے مہینے کی ماہانہ فیول پرائس ایڈجسٹمنٹ کے تحت بجلی کی قیمت میں ایک پیسہ فی یونٹ کمی کی منظوری دی گئی ہے۔ اس فیصلے کے بعد بجلی کے صارفین کو آئندہ بلوں میں معمولی ریلیف ملے گا۔

 یہ بھی پڑھیں :کیا بجلی سستی ہونے والی ہے؟ حکومت کا نیا ٹیرف منصوبہ سامنے آ گیا

اتھارٹی کے مطابق سینٹرل پاور پرچیزنگ ایجنسی نے مارچ کی ایڈجسٹمنٹ کے تحت بجلی کی قیمت میں ستائیس پیسے فی یونٹ اضافے کی درخواست جمع کرائی تھی۔ تاہم تفصیلی جائزے اور لاگت کے تجزیے کے بعد ریگولیٹری ادارے نے یہ اضافہ مسترد کرتے ہوئے معمولی کمی کا فیصلہ کیا۔حکام کے مطابق یہ فیصلہ بجلی کی پیداواری لاگت اور مختلف پاور پلانٹس کے ایندھن کے اخراجات کو مدنظر رکھتے ہوئے کیا گیا ہے۔ اگرچہ یہ کمی انتہائی معمولی ہے، تاہم اس کا اطلاق تمام متعلقہ صارفین پر ہوگا اور یہ ریلیف بلوں میں خودکار طور پر شامل کیا جائے گا۔

 یہ بھی پڑھیں : حکومت کا سستی بجلی منصوبہ تیار،کون سے لوگ فائدہ اٹھا سکیں گے؟

صارفین کو یہ ریلیف مئی کے بجلی کے بلوں میں نظر آئے گا جس سے گھریلو اور کمرشل دونوں طرح کے صارفین کو معمولی فائدہ پہنچے گا۔ حکام کا کہنا ہے کہ فیول ایڈجسٹمنٹ کا طریقہ کار عالمی منڈی میں ایندھن کی قیمتوں کے اتار چڑھاؤ کے مطابق بجلی کی قیمتوں کو متوازن رکھنے کے لیے استعمال کیا جاتا ہے۔