ملک بھر میں ایک ہفتے تک انٹرنیٹ سروس سست ہونے کا امکان

صارفین ہوجائیں تیار ، اگر آپ پاکستان ٹیلی کمیونیکشن اتھارٹی کی انٹرنیٹ سروس استعمال کرتے ہیں تو آنے والے دنوں میں آپ کو رفتار میں کمی کا سامنا کرنا پڑ سکتا ہے۔

کمپنی کی جانب سے جاری اعلامیے کے مطابق ملک بھر میں صارفین کو انٹرنیٹ سروس کی سست روی کا سامنا متوقع ہے، جس کی وجہ سب میرین کیبل کی مرمت بتائی گئی ہے۔

بیان میں کہا گیا ہے کہ 11 مئی سے 18 مئی تک سب میرین کیبل کی مرمت کا عمل جاری رہے گا۔ اس دوران خاص طور پر شام کے اوقات میں انٹرنیٹ سروس متاثر ہونے کا امکان ظاہر کیا گیا ہے۔

یہ بھی پڑھیں : سست انٹرنیٹ سے پریشان ہیں ؟ بڑی خوشخبری آگئی

پی ٹی سی ایل کے مطابق بین الاقوامی کیبل کنسورشیم کی جانب سے مرمتی کام انجام دیا جائے گا تاکہ کیبل کے نظام کو بہتر بنایا جاسکے۔

کمپنی نے مزید بتایا کہ یہ مرمت انتہائی ضروری ہے اور اس کے مکمل ہونے کے بعد انٹرنیٹ سروس کے معیار اور استحکام میں طویل المدتی بہتری آنے کی توقع ہے۔