خریداروں کیلئے اچھی خبر، سونا سستا ہوگیا، فی تولہ قیمت میں بڑی کمی

عالمی اور مقامی صرافہ مارکیٹوں میں جمعہ کے روز سونا اور چاندی کی قیمتوں میں کمی کا رجحان دیکھا گیا ہے جس کے باعث سرمایہ کاروں اور خریداروں میں نئی صورتحال پیدا ہو گئی ہے۔

 عالمی بلین مارکیٹ میں سونے کی قیمت 14.689 ڈالر کی کمی سے 4453.810 ڈالر فی اونس پر آ گئی ہے جس کے اثرات مقامی مارکیٹ پر بھی مرتب ہوئے ہیں۔

مقامی صرافہ مارکیٹ میں فی تولہ سونے کی قیمت میں 1469 روپے کی کمی ریکارڈ کی گئی جس کے بعد نرخوں میں نمایاں نرمی دیکھنے میں آئی ہے۔

یہ بھی پڑھیں:بجلی و پٹرول مہنگائی کے خلاف ملک گیر تحریک کا اعلان

 عالمی سطح پر معاشی غیر یقینی صورتحال، ڈالر کی قدر میں اتار چڑھاؤ اور سرمایہ کاروں کی جانب سے محفوظ سرمایہ کاری کے رجحان میں تبدیلی سونے کی قیمتوں میں کمی کی اہم وجوہات ہیں۔

مارکیٹ ذرائع کا کہنا ہے کہ آئندہ دنوں میں عالمی معاشی اشاروں کے مطابق سونے کی قیمتوں میں مزید اتار چڑھاؤ کا امکان برقرار رہ سکتا ہے جس پر سرمایہ کاروں کو محتاط حکمت عملی اختیار کرنے کا مشورہ دیا جا رہا ہے۔