دنیا کے معمر ترین زندہ خشکی کے جانور جوناتھن کچھوے کو گینیز ورلڈ ریکارڈز کی جانب سے خصوصی اعزاز سے نواز دیا گیا ہے۔جوناتھن کو ’’گینیز ورلڈ ریکارڈز آئیکون‘‘ کا اعزاز اس کی غیر معمولی طویل عمر اور تاریخی اہمیت کے اعتراف میں دیا گیا ہے۔
ماہرین کے مطابق جوناتھن کی پیدائش تقریباً 1832 میں ہوئی تھی، جس کے باعث اس کی موجودہ عمر 194 سال کے قریب پہنچ چکی ہے۔ یہ سیشلز جائنٹ کچھوا ہے اور اس نسل کے کچھوؤں کی اوسط عمر عام طور پر 150 سال کے لگ بھگ ہوتی ہے۔
تقریباً دو صدیوں پر محیط زندگی گزارنے والا جوناتھن دنیا بھر میں لوگوں کی توجہ کا مرکز بنا ہوا ہے۔ ماہرین کا کہنا ہے کہ اس کی طویل عمر قدرتی دنیا کے حیرت انگیز واقعات میں سے ایک ہے۔
جوناتھن آج بھی زندہ ہے اور اپنی غیر معمولی عمر کے باعث دنیا بھر میں حیرت، تحقیق اور دلچسپی کا موضوع بنا ہوا ہے۔
By 
