دنیا کو درپیش موسمیاتی اور ماحولیاتی بحران کے تناظر میں ایک منفرد منصوبے پر کام جاری ہے، جس کے تحت “ارتھز بلیک باکس” نامی ایک بڑی تنصیب تیار کی جا رہی ہے جو زمین اور انسانیت سے متعلق اہم معلومات محفوظ کرے گی۔
طیاروں میں استعمال ہونے والے بلیک باکس سے متاثر ہو کر بنائے جانے والے اس منصوبے کا مقصد موسمیاتی تبدیلیوں، ماحولیاتی حالات اور انسانی سرگرمیوں کا تفصیلی ریکارڈ مستقبل کے لیے محفوظ کرنا ہے۔
یہ شمسی توانائی سے چلنے والا مضبوط ڈھانچہ آسٹریلیا کے جزیرے تسمانیہ کے ایک دور افتادہ علاقے میں نصب کیا جا رہا ہے۔ منصوبے کے تحت سیٹلائٹس، موسمیاتی اسٹیشنز اور مختلف تحقیقی اداروں سے مسلسل ڈیٹا حاصل کیا جائے گا، جس میں زمین کے بدلتے ماحولیاتی نظام اور موسمیاتی تبدیلیوں سے نمٹنے کے لیے عالمی اقدامات کی تفصیلات شامل ہوں گی۔
منصوبے کے حامیوں کا کہنا ہے کہ یہ بلیک باکس آنے والی نسلوں کے لیے ایک اہم دستاویز ثابت ہوگا، جو یہ بتائے گا کہ انسانوں نے کرۂ ارض کو درپیش بڑے چیلنجز کا کس طرح سامنا کیا۔
تاہم بعض ناقدین کا خیال ہے کہ دنیا بھر میں پہلے ہی موسمیاتی ڈیٹا محفوظ کرنے کے متعدد نظام موجود ہیں، اس لیے یہ منصوبہ عملی ضرورت سے زیادہ ایک علامتی اقدام معلوم ہوتا ہے۔
واضح رہے کہ اس منصوبے سے متعلق معلومات عوامی طور پر دستیاب رپورٹس پر مبنی ہیں، جبکہ استعمال کی گئی تصویر صرف نمائشی مقصد کے لیے مصنوعی ذہانت (AI) سے تیار کی گئی ہے۔
By 
