ٹک ٹاکر علی حیدرآبادی نے ویڈیو میں بیوی سے رشتہ ختم کر دیا

سوشل میڈیا پر ویوز اور فالوورز کے حصول کے لیے اخلاقی حدود کی پامالی کا ایک اور مبینہ واقعہ سامنے آیا ہے، معروف ٹک ٹاکر علی حیدرآبادی نے ایک وی لاگ کی ریکارڈنگ کے دوران اپنی اہلیہ کو طلاق دے دی اور اس واقعے کو ویڈیو کی صورت میں سوشل میڈیا پر بھی شیئر کیا گیا۔

وائرل ہونے والی ویڈیو میں دیکھا جاسکتا ہے کہ ریکارڈنگ کے دوران علی حیدرآبادی نے اپنی اہلیہ کو مخاطب کرتے ہوئے طلاق کے الفاظ ادا کیے، جس کے بعد صورتحال کشیدہ ہو گئی۔

ویڈیو منظر عام پر آنے کے بعد سوشل میڈیا صارفین کی جانب سے مختلف آراء سامنے آ رہی ہیں اور علی حیدر آبادی کو شدید تنقید کا نشانہ بنایا جا رہا ہے۔

ٹک ٹاکر علی حیدری نےبیوی کوطلاق دےکرویڈیووائرل کردی

دوسری جانب ٹک ٹاکرکی بیوی نےوزیراعلی پنجاب مریم نوازسےمددمانگ لی

اس گھٹیا ایپ ٹک ٹاک کوختم کریں pic.twitter.com/ZWxkJU4VWr

— Ali Imran Abbasi (@aliimranabbasi) July 1, 2026

واقعے کے بعد ان کی اہلیہ کی جانب سے ایک ویڈیو پیغام بھی سامنے آیا ہے، جس میں انہوں نے خوف اور پریشانی کا اظہار کرتے ہوئے وزیراعلیٰ پنجاب سے تحفظ کی اپیل کی ہے ان کا کہنا تھا کہ علی حیدر آبادی کی طرف سے  دھمکیاں بھی دی جا رہی ہیں یہ درندہ مجھے مار دے گا وزیر اعلیٰ پنجاب مریم نواز شریف مجھے تحفظ فراہم کریں اور انصاف دلائیں ۔

ویڈیو کے وائرل ہونے کے بعد سوشل میڈیا پر بحث شروع ہو گئی ہے، جہاں ایک بڑی تعداد اس عمل کو غیر ذمہ دارانہ اورانتہائی افسوسناک قرار دے رہی ہے، جبکہ بعض صارفین اس واقعے کی مکمل تحقیقات کا مطالبہ بھی کر رہے ہیں،سوشل میڈیاصارفین کی طرف سے کہا ہے جا رہا ہے کہ ایسے واقعات معمول بن چکے ہیں ان بے لگام ٹک ٹاکر کو فوری لگا م ڈالی جائے ۔

تاحال اس حوالے سے علی حیدرآبادی یا ان کے قریبی حلقوں کی جانب سے کوئی باضابطہ وضاحت سامنے نہیں آئی، تاہم معاملہ سوشل میڈیا پر مسلسل زیر بحث ہے۔