وزیر مملکت کھیئل داس کوہستانی کی گاڑی کو حادثہ

وزیر مملکت برائے مذہبی امور و بین المذاہب ہم آہنگی کھیئل داس کوہستانی کی گاڑی کو کراچی کی شارع فیصل پر حادثہ پیش آگیا، تاہم وزیر مملکت حادثے میں محفوظ رہے۔

تفصیلات کے مطابق کھیئل داس کوہستانی اپنے دو بیٹوں کے ہمراہ گاڑی میں سفر کر رہے تھے کہ شارع فیصل پر ان کی گاڑی حادثے کا شکار ہوگئی۔

حادثے کے نتیجے میں وزیر مملکت کے ایک بیٹے کو ٹانگ پر چوٹیں آئیں، جسے طبی امداد کے لیے اسپتال منتقل کر دیا گیا۔

حادثے کے بعد اپنے بیان میں کھیئل داس کوہستانی نے کہا کہ وہ خیریت سے ہیں جبکہ ان کے بیٹے کو چوٹیں آئی ہیں۔

یہ بھی پڑھیں: عمران خان کو شفا ہسپتال کیوں منتقل نہیں کیا گیا؟ عابد شیر علی نے وجہ بتا دی

وزیر مملکت کے مطابق ان کی گاڑی سے آگے چلنے والی دو گاڑیوں نے اچانک بریک لگائی، جس کے باعث ان کی گاڑی حادثے کا شکار ہوگئی۔

انہوں نے کہا کہ حادثے کے باوجود وہ خود محفوظ ہیں، جبکہ زخمی بیٹے کو اسپتال منتقل کرکے طبی امداد فراہم کی جا رہی ہے۔