ن لیگ میں اختلافات اور تقسیم کی افواہیں بے بنیاد ہیں، مریم نواز

وزیراعلیٰ پنجاب مریم نواز نے مسلم لیگ ن کے اندر اختلافات اور جماعت کو تقسیم کیے جانے سے متعلق گردش کرنے والی خبروں کو مسترد کرتے ہوئے کہا ہے کہ پارٹی میں کسی قسم کی تقسیم موجود نہیں، جماعت متحد ہے اور تمام رہنما مل کر اپنا سیاسی اور عوامی کردار ادا کر رہے ہیں۔

لندن میں میڈیا سے گفتگو کرتے ہوئے مریم نواز نے کہا کہ مسلم لیگ ن کو توڑنے یا اس کے اندر دھڑے بندی پیدا ہونے سے متعلق باتوں میں کوئی حقیقت نہیں۔  انہوں نے کہا کہ  پارٹی اپنی سیاسی سمت میں متحد ہے اور اس کے ارکان باہمی تعاون کے ساتھ کام کر رہے ہیں۔

 یہ بھی پڑھیں :پنجاب میں بڑے منصوبوں سے متعلق مریم نواز نے خوشخبری سنا دی

وزیراعلیٰ پنجاب نے اس موقع پر صوبائی حکومت کی کارکردگی اور عوامی خدمت کے حوالے سے بھی بات کی۔  انہوں نے کہا کہ پنجاب میں ترقیاتی منصوبوں اور عوامی فلاح کے لیے مسلسل کام جاری ہے اور حکومت کی کوشش ہے کہ عوام کو زیادہ سے زیادہ سہولیات فراہم کی جائیں۔

مریم نواز نے کہا کہ جس طرح پنجاب میں ترقی اور عوامی فلاح کے منصوبوں پر توجہ دی جا رہی ہے  اسی طرح ملک کے دیگر صوبوں میں بھی عوامی مسائل کے حل کے لیے عملی اقدامات ہونے چاہئیں۔ عوام کی خدمت صرف دعو ئوں سے ممکن نہیں بلکہ اس کے لیے مسلسل محنت، منصوبہ بندی اور عملی اقدامات ضروری ہیں۔

انہوں نے کہا کہ حکومتیں اگر سنجیدگی کے ساتھ کام کریں اور اپنی ذمہ داریاں پوری کرنے کے لیے محنت کریں تو اس کے نتائج بھی عوام کو واضح طور پر دکھائی دیتے ہیں۔ پنجاب میں ترقیاتی سرگرمیوں کا ذکر کرتے ہوئے وزیراعلیٰ نے کہا کہ صوبے میں عوامی سہولت اور ترقی کے مختلف شعبوں پر توجہ مرکوز کی جا رہی ہے۔

مریم نواز نے مزید کہا کہ پنجاب میں عوامی فلاح اور ترقی کے لیے حکومت دن رات کام کر رہی ہے۔   حکومت کا مقصد ایسے اقدامات کرنا ہے جن سے عام شہری کی زندگی میں بہتری آئے اور لوگوں کو بنیادی سہولیات کے حصول میں آسانی ہو۔

 یہ بھی پڑھیں :مریم نواز نے شہریوں کو بڑا ریلیف دینے کا اعلان کردیا

لندن میں گفتگو کے دوران وزیراعلیٰ پنجاب نے اپنی بیٹی کی گریجویشن کے حوالے سے بھی خوشی کا اظہار کیا۔ انہوں نے کہا کہ بیٹی کی تعلیمی کامیابی ان کے اور ان کے خاندان کے لیے خوشی کا باعث ہے۔ مریم نواز نے بتایا کہ وہ تقریب میں شرکت کے بعد پاکستان واپس روانہ ہو رہی ہیں۔

وزیراعلیٰ پنجاب  نے کہا کہ  سیاسی جماعتوں کی اصل ذمہ داری عوام کے مسائل حل کرنا اور ان کی خدمت کرنا ہے۔ ترقیاتی کام اسی وقت مؤثر ثابت ہوتے ہیں جب ان کا فائدہ براہ راست عوام تک پہنچے۔ انہوں نے دیگر صوبوں میں بھی عوامی خدمت اور ترقی کے لیے بھرپور محنت کی ضرورت پر زور دیا۔