بھارت کے اپنے سابق  فوجی افسران نے   گودی میڈیا کے جھوٹ اور گمراہ کن بیانیے کو بے نقاب کردیا

ناکام آپریشن سندورکے دوران بھارتی میڈیا کی جھوٹی اور من گھڑت خبروں کا بھانڈا پھرپھوٹ گیا،مئی2025کی جنگ کے دوران بھارتی گودی میڈیا حقائق کے منافی جھوٹے بیانیہ اور من گھڑت فرضی کہانیوں میں مصروف رہا ،بھارت کے اپنے سابق  فوجی افسران نے بھارتی گودی میڈیا کے جھوٹ اور گمراہ کن بیانیے کو بے نقاب کردیا۔

بھارتی فوج کے ریٹائرڈ افسرمیجر جنرل راجن کوچہرنےکہا کہ مئی 2025 میں پاک بھارت جنگ کے دوران 90فیصد بھارتی میڈیا چینلزحقائق کے منافی رپورٹنگ کر رہے تھے۔

یہ بھی پڑھیں :گودی میڈیا کے جھوٹے پروپیگنڈے کا عبرتناک انجام، دہلی کی سڑکوں پر کٹھ پتلی صحافیوں کی درگت اور مودی سرکار کی کھلی ہزیمت

سابق بھارتی افسرمیجر جنرل(ریٹائرڈ) راجن کوچہر کا کہنا تھا کہ  آپریشن سندور کے دوران بھارتی میڈیا کے پاس زمینی حقائق پرمبنی مصدقہ خبریں تھی ہی نہیں، پاک بھارت جنگ کے دوران بھارتی چینلز خود ہی جھوٹی کہانیاں بنا رہے تھے۔

معرکہ حق میں پاکستان کے شدید حملوں کے بعد بھارتی میڈیا بے معنی اور غیر منطقی بیانیے بنانے کی ناکام کوشش کرتا رہا،سابق بھارتی افسرکے بیان نے ایک بار پھر مہر تصدیق ثبت کر دی کہ بھارتی میڈیا سراسر جھوٹ پرمبنی خود ساختہ کہانیاں بناتا رہا۔

 دفاعی ماہرین کا کہنا ہے کہ گودی میڈیا نے بھارتی شکست چھپانے اور دنیا کو گمراہ کرنے کیلئے مضحکہ خیز دعوے کیے جن کی دنیا بھر میں جگ ہنسائی ہوئی۔