فیفا ورلڈ مینز ٹیم رینکنگ میں پاکستان فٹبال ٹیم نے ایک درجہ ترقی حاصل کرلی ہے، جس کے بعد قومی ٹیم عالمی رینکنگ میں 197ویں نمبر پر آگئی ہے۔
میڈیا رپورٹ کے مطابق تازہ فیفا رینکنگ کے مطابق پاکستان نے ایک درجے بہتری حاصل کی ہے جس کے بعد قومی ٹیم کی عالمی رینکنگ میں یہ معمولی ترقی پاکستانی فٹبال کیلئے ایک مثبت پیش رفت قرار دی جارہی ہے۔
دوسری جانب ورلڈ چیمپئن اسپین نے فیفا رینکنگ میں اپنی پہلی پوزیشن برقرار رکھی ہے ، اسپین بدستور پہلے نمبر پر براجمان ہے جبکہ ارجنٹائن دوسرے نمبر پر موجود ہے۔
فیفا کی رینکنگ میں فرانس نے تیسری پوزیشن برقرار رکھی ہے جبکہ انگلینڈ عالمی رینکنگ میں چوتھے نمبر پر موجود ہے۔
تازہ رینکنگ میں پرتگال نے نمایاں بہتری حاصل کی ہے۔ پرتگال دو درجے ترقی کرکے پانچویں نمبر پر آگیا ہے۔
دوسری جانب برازیل کی رینکنگ میں ایک درجے تنزلی ہوئی ہے اور وہ چھٹے نمبر پر پہنچ گیا ہے ، اس کے ساتھ مراکش بھی ایک درجے نیچے آکر ساتویں پوزیشن پر آگیا ہے۔
فیفا کی عالمی رینکنگ میں دیگر ٹیموں کی پوزیشنز میں بھی تبدیلیاں دیکھنے میں آئی ہیں جہاں سوئٹزرلینڈ نے دو درجے ترقی حاصل کرتے ہوئے 12ویں پوزیشن حاصل کرلی ہے ، جرمنی 13ویں نمبر پر موجود ہے جبکہ کروشیا عالمی رینکنگ میں 14ویں پوزیشن پر برقرار ہے۔
یوں تازہ فیفا ورلڈ مینز ٹیم رینکنگ میں پاکستان نے ایک درجہ بہتری حاصل کرکے 197ویں پوزیشن حاصل کی ہے، جبکہ عالمی سطح پر اسپین بدستور سرفہرست ہے۔ ارجنٹائن، فرانس اور انگلینڈ بالترتیب دوسری، تیسری اور چوتھی پوزیشن پر موجود ہیں۔
پاکستانی فٹبال ٹیم کی ایک درجے ترقی ایسے وقت میں سامنے آئی ہے جب قومی ٹیم عالمی رینکنگ میں اپنی پوزیشن بہتر بنانے کی کوششوں میں مصروف ہے ، آنے والے بین الاقوامی مقابلوں میں بہتر نتائج پاکستان کو عالمی رینکنگ میں مزید بہتری دلانے میں اہم کردار ادا کرسکتے ہیں۔
By 
