مردان سے تحریک انصاف کے ایم پی اے عبدالسلام سمیت درجنوں عہدیدار از خود روپوش

پاکستان تحریک انصاف سے وابستہ ایم پی اے عبدالسلام سمیت درجنوں عہدیداروں کے روپوش ہونے کی اطلاعات سامنے آئی ہیں۔

ذرائع کے مطابق پارٹی سے وابستہ متعدد رہنما اور کارکن حالیہ سیاسی سرگرمیوں کے بعد منظرعام سے غائب ہیں۔

روپوش ہونے والوں میں انصاف اسٹوڈنٹس فیڈریشن سے وابستہ متعدد سابق اور موجودہ عہدیدار بھی شامل ہیں۔

ذرائع کے مطابق پی ایس سی یونیورسٹی کیمپس کے آئی ایس ایف صدر عامر مروت بھی روپوش افراد میں شامل ہیں۔

ان کے علاوہ ایگریکلچر یونیورسٹی پشاور کے آئی ایس ایف کے سابق چیف آرگنائزر امان اللہ بھی منظرعام پر نہیں آئے۔

اسلامیہ کالج پی ایس سی کے آئی ایس ایف کے سابق جنرل سیکرٹری عبدالباسط بھی روپوش رہنماؤں میں شامل ہیں۔

ایگریکلچر یونیورسٹی پشاور کے آئی ایس ایف کے سابق نائب صدر جنید زادہ کے حوالے سے بھی یہی اطلاعات ہیں۔

آئی ایس ایف سے وابستہ شفقت اللہ کا نام بھی روپوش افراد کی فہرست میں شامل کیا گیا ہے۔

ذرائع کا کہنا ہے کہ پی ٹی آئی سے وابستہ مزید درجنوں عہدیدار اور کارکن بھی گرفتاری کے خدشے کے باعث سامنے نہیں آ رہے۔

ذرائع کے مطابق بعض رہنما اپنے معمول کے سیاسی اور تنظیمی رابطوں سے بھی گریز کر رہے ہیں۔