ایران نے اسرائیل کو بہت نقصان پہنچایا ، امریکی صدر ڈونلڈ ٹرمپ کا اعتراف

امریکی صدر ٹرمپ نے بھی اسرائیل کے خلاف ایرانی برتری کو تسلیم کرتے ہوئے کہا ہے کہ ایرانی میزائلوں نے اسرائیل کو بہت نقصان پہنچایا ہے۔

تفصیلات کے مطابق ہیگ میں نیٹو سمٹ کے موقع پر گفتگو کرتےہوئے صدر ٹرمپ نے کہا کہ اسرائیل کو آخری دو روز میں ایران سے بہت مار پڑی،ایرانی میزائلوں نے اسرائیل کی کئی عمارتوں کوتباہ کیا۔

انھوں نے کہا کہ ایران اور اسرائیل سکول کے بچوں کی طرح لڑے، میرا نہیں خیال کہ ایران اور اسرائیل اب ایک دوسرے سے لڑیں گے،ایران نے یورینیم دوبارہ شروع کی تو پھر حملہ کریں گے۔

صدر نے کہا کہ ایران میں فردو جوہری سائٹ تباہ کردی، فردو جوہری سائٹ پراب تباہی کے سوا کچھ نہیں،ایران کے جوہری پروگرام کودہائیوں پیچھے لے گئے ہیں،ایران اب طویل عرصے تک ایٹمی مواد نہیں بناسکے گا۔

مزید پڑھیں: کس بھارتی سیاستدان پر امریکہ میں داخلے پر پابندی لگائی گئی؟ AI چیٹ بوٹ ‘Grok’ کا جواب وائرل

ٹرمپ نے کہا کہ سی این این ،ایم ایس این بی سی اور نیویارک ٹائمز گند ہیں،امریکی فوج کی شاندارکامیابی کو کم کرنے کی کوشش کی جارہی ہے،غزہ کے معاملے پربڑی پیش رفت ہورہی ہے، ایران اور اسرائیل میں دوبارہ جنگ کا امکان نہیں ہے،امریکی حملوں سے ایران کئی سال پیچھے چلاگیا۔

انھوں ںے کہا کہ قطر پر ایران کے داغے گئے تمام 14 میزائل گرادئیے،یہ اچھی بات ہے کہ ایران نے حملے سے پہلے وارننگ دی تھی،ایران پر ہمارے حملے نے جنگ ختم کی، ایرانی تنصیبات پر آبدوزوں سے 30 میزائل داغے گئے ہیں۔

امریکی صدر کے مطابق ایران کی جوہری تنصیبات پر امریکی حملے بہت کامیاب رہے،ایران کی جوہری تنصیبات اب فعال نہیں رہیں،نیٹو ممالک کو اپنا دفاعی بجٹ 5 فیصد بڑھانا چاہیے۔