اداکارہ عظمی طاہر کے دانش تیمور پر سخت ریمارکس، پوڈکاسٹ میں کھل کر گفتگو

پاکستانی ٹی وی اداکارہ اور میزبان اُزمہ طاہر نے اداکار دانش تیمور کے بارے میں اپنے حالیہ بیانات سے سوشل میڈیا پر بحث چھیڑ دی ہے۔

عظمی طاہر، جو گزشتہ دو دہائیوں سے زائد عرصے سے میڈیا انڈسٹری سے وابستہ ہیں اور متعدد ڈراموں اور پروگرامز میں کام کر چکی ہیں، حال ہی میں ایک پوڈکاسٹ’’ نوٹس‘‘میں شریک ہوئیں جہاں انہوں نے شوبز انڈسٹری اور اپنے ساتھی فنکاروں کے بارے میں کھل کر بات کی۔

یہ بھی پڑھیں :شہرت کے پیچھے چھپا دکھ، رجب بٹ بول پڑے

اپنی گفتگو میں انہوں نے دانش تیمور کے رویے پر تنقید کرتے ہوئے کہا کہ کامیابی کے بعد ان میں تکبر اور غرور آ گیا ہے۔ ان کے مطابق، کچھ لوگ شہرت کے بعد اپنے ماضی اور ساتھ کام کرنے والوں کو بھول جاتے ہیں۔

عظمی طاہر نے کہا کہ انہوں نے دانش تیمور کے ساتھ ابتدائی دنوں میں کام کیا اور ان کے اتار چڑھاؤ بھی دیکھے، لیکن اب وہ خود کو ایک بڑا اسٹار ظاہر کرتے ہیں اور پرانے ساتھیوں کو نظر انداز کرتے ہیں۔

یہ بھی پڑھیں :سید نور کا اعتراف: جنت مرزا کو فلم میں لینا’تباہی‘ ثابت ہوا

انہوں نے مزید کہا کہ دانش تیمور نے ایک پوڈکاسٹ میں شرکت سے بھی انکار کیا کیونکہ اب وہ خود کو ایک بڑا نام سمجھتے ہیں۔گفتگو کے دوران انہوں نے اداکارہ صدف کنول کا بھی ذکر کیا اور کہا کہ وہ پہلے ان کے ساتھ زیادہ وقت گزارتی تھیں لیکن اب شادی اور کامیابی کے بعد وہ ان کا احترام کرتی ہیں اور آگے بڑھ چکی ہیں۔

عظمی طاہر کے ان بیانات کے بعد سوشل میڈیا پر مختلف آراء سامنے آ رہی ہیں، جہاں کچھ لوگ ان کی بات سے اتفاق کر رہے ہیں جبکہ کچھ اسے ذاتی رائے قرار دے رہے ہیں۔