سمندر میں پیدل راستہ، جندو میراج کا انوکھا منظر

جنوبی کوریا میں ایک حیرت انگیز قدرتی مظہر ہر سال دو مرتبہ دیکھنے میں آتا ہے، جہاں سمندر کچھ وقت کے لیے پیچھے ہٹ جاتا ہے اور لوگوں کے لیے ایک عارضی راستہ بن جاتا ہے۔

اس غیر معمولی واقعے کو’’جندو ‘‘کہا جاتا ہے، جو جنوبی کوریا کے جندو اور موڈو جزائر کے درمیان پیش آتا ہے۔ اس دوران تقریباً ایک گھنٹے کے لیے سمندری پانی ہٹ جاتا ہے اور سمندر کی تہہ ظاہر ہو جاتی ہے، جس پر ہزاروں افراد چل کر ایک جزیرے سے دوسرے جزیرے تک پہنچ جاتے ہیں۔

یہ بھی پڑھیں :پہاڑوں کا بھوت ،برفانی چیتا دوبارہ چترال کے پہاڑوں میں ظاہر

یہ قدرتی منظر بظاہر کسی معجزے سے کم نہیں لگتا، کیونکہ اس وقت پانی کے نیچے ایک قدرتی ’لینڈ برج‘بن جاتا ہے جو عام حالات میں نظر نہیں آتا۔ہر سال اس منفرد موقع پر مقامی افراد اور غیر ملکی سیاح بڑی تعداد میں اس مقام کا رخ کرتے ہیں تاکہ اس نایاب منظر کو اپنی آنکھوں سے دیکھ سکیں اور سمندر کے بیچ پیدل چلنے کا تجربہ حاصل کر سکیں۔

یہ بھی پڑھیں :سائنس کا عجوبہ ،ایک گھنٹے میں کتاب پڑھنے اور یاد رکھنے والا شخص

ماہرین کے مطابق یہ واقعہ مضبوط سمندری لہروں اور مخصوص جغرافیائی حالات کے باعث ہوتا ہے، جو پانی کو عارضی طور پر پیچھے دھکیل دیتے ہیں۔ تاہم یہ منظر صرف محدود وقت کے لیے ہی دیکھنے کو ملتا ہے۔

جینڈو میراج کو دنیا کے ان چند قدرتی مظاہر میں شمار کیا جاتا ہے جو انسان کو قدرت کی حیرت انگیز طاقت اور اس کے منفرد نظام سے روشناس کراتے ہیں۔یہ رپورٹ معلوماتی مقاصد کے لیے ہے اور دستیاب عوامی معلومات پر مبنی ہے۔ تصویر مصنوعی ذہانت سے تیار کی گئی ہے اور صرف حوالہ کے طور پر استعمال کی گئی ہے۔