وزیراعظم اور فیلڈ مارشل کی سوئٹزرلینڈ روانگی کا امکان

وزیراعظم شہباز شریف اور فیلڈ مارشل عاصم منیر کی کل سوئٹزرلینڈ روانگی کا امکان ہے، جہاں وہ امریکا اور ایران کے درمیان ہونے والے مذاکرات میں شرکت کریں گے۔

میڈیا رپورٹس کے مطابق وزیراعظم شہباز شریف اور فیلڈ مارشل عاصم منیر کی کل سوئٹزرلینڈ روانگی متوقع ہے اور وہ امریکا اور ایران مذاکرات میں شریک ہوں گے۔

دوسری جانب سی این این کی رپورٹ کے مطابق امریکی نائب صدر جے ڈی وینس کی بھی مذاکرات کے لیے آج سوئٹزرلینڈ روانگی متوقع ہے۔

ایک امریکی عہدیدار نے بتایا کہ جے ڈی وینس آج سوئٹزرلینڈ جائیں گے، تاہم ان کی روانگی کے وقت کے بارے میں کوئی معلومات سامنے نہیں آئیں۔

یہ بھی پڑھیں:راولا کوٹ ،عوام کا اظہار لا تعلقی، کالعدم جوائنٹ عوامی ایکشن کمیٹی کا دھرنا مکمل ناکام

ادھر ایرانی میڈیا نے رپورٹ کیا ہے کہ ایرانی وفد مذاکرات کے لیے سوئٹزرلینڈ روانہ ہو گیا ہے، جس کا نام “میناب 168” رکھا گیا ہے۔

رپورٹ کے مطابق وفد میں باقر قالیباف، عباس عراقچی، اسماعیل بقائی اور ایرانی سینٹرل بینک کے گورنر بھی شامل ہیں۔

ایران کے نائب وزیر پیٹرولیم بھی سوئٹزرلینڈ روانہ ہو گئے ہیں، جہاں مفاہمتی یادداشت کے تحت حتمی معاہدے کے لیے مذاکرات کا آغاز ہوگا۔