By آزاد جموں و کشمیر کے میرپور ڈویژن میں انتخابات کے پرامن اور کامیاب انعقاد کے بعد بھارتی میڈیا نے آزاد کشمیر کی صورتحال سے متعلق پروپیگنڈا مہم تیز کر دی ہے۔
ذرائع کے مطابق بھارتی میڈیا مختلف پلیٹ فارمز پر ایسی خبریں اور تجزیے نشر کر رہے ہیں جن میں آزاد کشمیر کی صورتحال کو منفی انداز میں پیش کرنے کی کوشش کی جا رہی ہے انتخابی عمل کو متنازع بنانے اور عوامی اعتماد کو متاثر کرنے کے لیے گمراہ کن اطلاعات پھیلائی جا رہی ہیں۔
یہ بھی پڑھیں :سوشل میڈیا پر پاکستان مخالف پروپیگنڈا کرنے والا بھارتی خفیہ ایجنسی را کا سہولت کار گرفتار،تہلکہ خیز انکشافات
ذرائع کے مطابق آزاد کشمیر میں پولنگ مجموعی طور پر پرامن ماحول میں مکمل ہوئی جبکہ انتخابی عمل میں ووٹرز نے بھرپور شرکت کی۔ انتخابی نتائج کے اعلان کا سلسلہ بھی معمول کے مطابق جاری رہا۔
بھارتی میڈیا کی جانب سے چلائی جانے والی مہم کا مقصد آزاد کشمیر میں ہونے والے جمہوری عمل کو متنازع بنانا اور بین الاقوامی سطح پر منفی تاثر پیدا کرنا ہے۔
یہ بھی پڑھیں :کنڑ میں تعلیمی ادارے پر حملے کے دعوے بے بنیاد قرار، وزارت اطلاعات نے افغان و بھارتی میڈیا کا پروپیگنڈا بے نقاب کردیا
حکام نے شہریوں سے اپیل کی ہے کہ وہ غیر مصدقہ خبروں اور سوشل میڈیا پر گردش کرنے والے دعوؤں سے محتاط رہیں اور صرف مستند ذرائع سے جاری ہونے والی معلومات پر اعتماد کریں۔
