By آئی سی سی مینز ون ڈے ورلڈکپ 2027 گزشتہ دو ایڈیشنز کے مقابلے میں زیادہ ٹیموں کے ساتھ کھیلا جائے گا۔
موجودہ صورتحال نے شائقین کرکٹ کی دلچسپی مزید بڑھا دی ہے، کیونکہ پاکستان سمیت کئی بڑی ٹیموں کی عالمی کپ میں براہِ راست رسائی تقریباً واضح دکھائی دے رہی ہے تاہم حتمی فیصلہ مقررہ رینکنگ کٹ آف کے بعد ہوگا۔
جن ٹیموں کی براہِ راست شرکت کی بات کی جارہی ہے، ان میں آسٹریلیا، بھارت، نیوزی لینڈ، پاکستان، سری لنکا، انگلینڈ، بنگلادیش اور افغانستان شامل ہیں، جبکہ میزبانوں کی حیثیت سے جنوبی افریقا اور زمبابوے پہلے ہی عالمی کپ کے لیے جگہ بنا چکے ہیں۔
ورلڈکپ 2027 میں کتنی ٹیمیں کھیلیں گی؟
آئی سی سی مینز کرکٹ ورلڈکپ 2027 میں مجموعی طور پر 14 ٹیمیں حصہ لیں گی ، آئی سی سی کے مطابق 10 ٹیمیں براہِ راست عالمی کپ تک پہنچیں گی جبکہ باقی چار ٹیموں کا فیصلہ کوالیفائر کے ذریعے ہوگا۔
میزبان جنوبی افریقا اور زمبابوے کی براہِ راست شرکت پہلے سے طے ہے، جبکہ دیگر ٹیموں کے لیے آئی سی سی ون ڈے رینکنگ اہم کردار ادا کرے گی ، اس مرحلے پر ہر ون ڈے میچ کی اہمیت مزید بڑھ گئی ہے، کیونکہ معمولی سی رینکنگ تبدیلی بھی کسی ٹیم کی عالمی کپ مہم کا راستہ بدل سکتی ہے۔
پاکستان سمیت بڑی ٹیموں کی پوزیشن مضبوط
موجودہ منظرنامے میں دفاعی چیمپئن آسٹریلیا کے ساتھ بھارت، نیوزی لینڈ، پاکستان، سری لنکا، انگلینڈ، بنگلادیش اور افغانستان براہِ راست کوالیفائی کرنے کی پوزیشن میں نظر آتے ہیں۔
افغانستان کے لیے حالیہ نتائج خاص طور پر اہم ہیں، افغانستان نے آئرلینڈ کے خلاف بیلفاسٹ میں سنسنی خیز کامیابی حاصل کرکے ٹاپ آٹھ میں اپنی پوزیشن تقریباً یقینی بنالی ہے۔
دوسری جانب 10ویں نمبر پر موجود دو بار کی سابق عالمی چیمپئن ویسٹ انڈین ٹیم کے پاس کٹ آف تاریخ سے قبل بھارت کے خلاف دو ون ڈے میچز باقی ہیں تاہم دونوں میچز جیتنے کی صورت میں بھی وہ ٹاپ آٹھ میں واپس نہیں آسکے گی۔
Ten teams have booked their place at next year’s World Cup pic.twitter.com/bCOhxRnVsd
— Cricinfo (@cricinfo) August 11, 2026
