راولپنڈی اسلام آباد میں موسلا دھار بارش ، نالہ لئی میں پانی کی سطح بلند ،ہنگامی الرٹ جاری

 اسلام آباد راولپنڈی سمیت ملک بھر میں موسلا دھار بارش کا سلسلہ جاری ، متعدد علاقے زیر آب آگئے ، ندی نالوں میں طغیانی ، پانی گھروں میں داخل ہو گیا ۔

راولپنڈی کے علا قے شمس آباد میں 115 ، کمرشل مارکیٹ میں 26 ملی میٹر بارش ریکارڈ ، کٹاریاں اور گوالمنڈی کےمقام پر نالہ لئی میں پانی کی سطح خطر ناک حد تک بلند ہوگئی جس کے باعث خطرے کے سائرن بجا دئیے گئے ، این ڈی ایم اے کی جانب سے ہنگامی الرٹ جاری کر دیا گیا ۔

 یہ بھی پڑھیں :راولپنڈی اسلام آبا د میں موسلا دھار بارش ، نالہ لئی بپھرگیا ، فوج طلب

تمام متعلقہ محکموں کو کسی بھی ہنگامی حالت سے نمٹنے کیلئے مکمل تیار رہنے کا حکم جاری کر دیا گیا ، شہریوں کو نالے سے دور رہنے کی ہدایت جاری

ادھر اسلام آباد کے کے علاقے بلیو ایریا ، شکر پڑیاں ، ایف سیون فور ، بری امام، زیرو پوائنٹ سمیت مخلتف علاقوں میں شدید بارش ہوئی جس کے باعث پانی سڑکوں پر جمع ہو گیا او ر ٹریفک روانی شدید متاثر ہوئی ۔

  یہ بھی پڑھیں :جڑواں شہروں میں موسلا دھار بارش، ندی نالوں میں طغیانی،این ڈی ایم اے کا ہنگامی الرٹ

محکمہ موسمیات کی جانب سے مزید بارش کی پیش گوئی کی گئی جس کے بعد این ڈی ایم اے نے ہنگامی الرٹ جار ی کر دیا ۔