ایڈ شیران نے کنسرٹ میں غزہ کا ذکر کردیا، اہم بات کہہ دی

عالمی شہرت یافتہ برطانوی گلوکار ایڈ شیران نے غزہ میں جاری انسانی بحران پر پہلی بار اپنے کنسرٹ کے دوران کھل کر اظہار خیال کیا ہے۔

19 ستمبر 2026 کو امریکی شہر فلاڈیلفیا میں پرفارم کرتے ہوئے ایڈ شیران نے غزہ میں ہونے والی تباہی اور شہریوں، خصوصاً بچوں کی ہلاکتوں پر افسوس کا اظہار کیا۔ گلوکار نے کہا کہ غزہ میں موجودہ صورتحال اور وہاں ہونے والی ہلاکتوں نے ان کا دل توڑ دیا ہے اور وہ اسے ناقابل جواز سمجھتے ہیں۔

یہ بھی پڑھیں:صبا قمر کا ماضی کی محبت سے متعلق دلچسپ انکشاف

ایڈ شیران کا کہنا تھا کہ وہ اپنے میوزک شوز کو سیاسی معاملات کے بجائے انسانیت اور اتحاد کے لیے وقف رکھنا چاہتے ہیں۔ تاہم ان کے مطابق غزہ میں جاری انسانی بحران کے باعث وہ اپنے احساسات مزید چھپا نہیں سکتے۔ گلوکار کا یہ بیان ایسے وقت میں سامنے آیا ہے جب غزہ میں جاری صورتحال عالمی سطح پر مسلسل توجہ کا مرکز بنی ہوئی ہے۔