پاکستان والی بال ٹیم نے ایشین گیمز میں کامیاب آغاز کرتے ہوئے پہلے میچ میں قازقستان کو تین ایک سے شکست دے دی۔
پاکستان اولمپک ایسوسی ایشن کے مطابق پاکستان نے ابتدائی دونوں سیٹس 25-16 اور 25-22 سے جیتے، تاہم تیسرے سیٹ میں قازقستان نے کم بیک کرتے ہوئے 25-17 سے کامیابی حاصل کی۔
چوتھے سیٹ میں پاکستان نے 25-20 سے کامیابی حاصل کرکے میچ تین ایک سے اپنے نام کرلیا۔
پاکستان کی جانب سے مراد خان، علی عثمان، مراد جہان اور مصور خان نے شاندار کارکردگی کا مظاہرہ کیا۔
پاکستان والی بال فیڈریشن کے چیئرمین چوہدری یعقوب اور صدر سہیل خاور میر نے ٹیم کو کامیابی پر مبارکباد دی،پاکستان ٹیم اپنا اگلا میچ کل ازبکستان کے خلاف کھیلے گی۔
واضح رہے ایشیائی کھیل 2026 جاپان کے ایچی اور ناگویا میں منعقد ہو رہے ہیں، یہ ایشیائی کھیلوں کا 20واں ایڈیشن ہے ، اولمپکس کے بعد دنیا کے دوسرے بڑے کھیلوں کے مقابلے ایشین گیمز کو ہر چار سال بعد منعقد کیا جاتا ہے جس میں 45 ممالک کے کھلاڑی 40 سے زیادہ کھیلوں میں حصہ لیتے ہیں۔
By 
